Fotos de Rianxo » esculturas

Escultura na honra de Manoel Antonio

fotosderianxo — Sat, 11 Jul 2009 17:24:13 +0000

Outro dos grandes literatos foi Manoel Antonio, o chamado poeta do mar. Nacido en Rianxo, o certo é que a súa obra non foi moi prolífica, porque morreu de noviño na parroquia rianxeira de Asados, con 29 anos, a causa dunha enfermidade. Unha das súas obras máis famosas foi De catro a catro, con eses grandes versos por todos coñecidos “Fomos ficando sós, o mar, o barco e mais nós”.

Busto de Manoel Antonio, o poeta do mar, en Rianxo

O Auditorio de Rianxo

fotosderianxo — Tue, 26 May 2009 20:10:44 +0000

Hoxe déixovos aquí unha imaxe do auditorio de Rianxo, ese edificio que tardou case tres anos en inaugurarse, que semella moi ben que non sabe que facerse con el, que vai acollendo algún que outro acto e que agora tamén alberga a biblioteca municipal.

Póñovos esta vista porque me encanta esta estatua, da que algún día vos porei un primeiro plano, adicada ás xentes do mar. Tamén podedes ver na imaxe o parque de Europa, con algunha das súas fontes.

A Rianxeira

fotosderianxo — Mon, 09 Mar 2009 19:06:50 +0000

Non, este post non é para falar desa coñecida marca de atún, senón do monumento á muller rianxeira. Como sabedes, Rianxo é porto pesqueiro. E aínda que de coller os peixes se adoitan encargar os homes, a tarfa de vendelos recae nas mulleres. Así que aquí o monumento á muller rianxeira, coa súa patela na cabeza cargadiña de xoubas (as máis ricas da ría de Arousa).

Castelao

fotosderianxo — Mon, 16 Feb 2009 21:01:44 +0000

Que mellor que inaugurar este blog cun dos símbolos de Rianxo, o noso gran debuxante, escritor e político Castelao. Velaquí vos deixo a estatua que ten no paseo da Ribeira e onde cada 25 de xullo é homenaxeado.