Fotos de Rianxo » Isorna

O cruceiro das Tres Cruces

fotosderianxo — Wed, 25 Jan 2012 20:00:35 +0000

Aínda que xunto á estrada hai un cartel indicador que sinale que se trata do “Cruceiro das Trece Cruces” ~~cremos que é un erro~~. Mirando noutras referencias en internet atopamos o nome do “Cruceiro das Tres Cruces”, que realmente se adapta máis a este conxunto. ACTUALIZACIÓN: como nos explica 6ferrados, na web do Concello explícase que o lugar onde está o cruceiro é o Cabo de Trececruces, de aí o seu nome.

Como van as obras do AVE?

fotosderianxo — Wed, 05 Oct 2011 19:16:45 +0000

Hai algo menos dun ano fun coa miña cámara polo lugar da Vacariza, en Isorna, e este era o aspecto que presentaban as obras do AVE:

Agora presentan estoutro aspecto:

Montes descoidados

fotosderianxo — Sun, 01 May 2011 16:36:43 +0000

Eu adoito pasear moito polo monte. Pois ben, aquí vedes o lamentable estado de varios camiños no monte de Isorna. Imaxinade que hai un incendio e ten que ir ata o lugar un retén de bombeiros ou un camión. Podería acceder? Eu véxoo complicado.

As obras do AVE

fotosderianxo — Sun, 19 Dec 2010 16:52:51 +0000

Aquí vos deixo unhas cantas fotos das obras do Ave na zona.

A Pobra? Non, Rianxo

fotosderianxo — Mon, 13 Dec 2010 20:28:29 +0000

Non vaiades pensar que perdín a memoria e non sei onde estou. A sorpresa non é porque non coñecese A Pobra do Caramiñal, senón porque este cartel está situado en Rianxo, na parroquia de Isorna. Se todas as indicacións están igual de ben colocadas que Deus nos pille confesados.

Se ides da ponte de Catoira cara á autovía, veredes este cartel, xusto un pouco antes das obras do AVE. Leva aí anos, pero ata esta fin de semana (que pasei por alí en bicicleta) non lle puiden facer unha foto a esta curiosa estampa. Cal será a explicación? Un poltergeist? Sobraban carteis?

O trazado do AVE pasa por Isorna

fotosderianxo — Sun, 29 Nov 2009 16:24:34 +0000

Xa se poden ver bastante avanzadas as obras do AVE ao seu paso por Rianxo, en concreto pola parroquia de Isorna. Xa se está tamén a traballar no que vai ser unha ponte que atravese o río Ulla e que permita ao tren de alta velocidade ir da provincia de Pontevedra á da Coruña, como se pode ver na imaxe.

Os lombos do Ulla

fotosderianxo — Sun, 01 Nov 2009 17:10:15 +0000

É unha das zonas máis ricas en berberechos da ría de Arousa. Alí van tanto mariscadores a pé como outros nas súas barquiñas cando se abre a veda.