Velaquí unha foto do cruceiro da Praciña, en Rianxo.
Arquivos por etiqueta: cruceiro
Cristo sen pernas en Asados
15 XanEn Asados podemos atopar este cruceiro antigo no que ao Cristo lle faltan as pernas. Unha mágoa, a verdade, que non chegase intacto ao día de hoxe.
Cruceiro xunto ao Goio
5 XanNo lugar de Miráns (parroquia de Araño), a carón do río Té hai un lugar moi coñecido para irse bañar no verán, o Goio. Antigamente o lugar acollía unha especie de mercado de gando. Alí podemos atopar este cruceiro.
Cruceiro en Abuín
1 DecNo lugar de Abuín, na parroquia de Leiro, podemos atopar un cruceiro do que só quedan os restos. Unicamente queda o torso e o mentón do que semellou ser un Cristo crucificado. Unha mágoa que o noso patrimonio sufra así.
Cruceiro en Leiro, fronte á antiga casa reitoral
1 SetXusto na entrada do que era a antiga casa reitoral de Leiro, podemos atopar este cruceiro.
O cruceiro da Laxe Pequena
2 FebEn Taragoña, no lugar da Laxe, temos este fermoso cruceiro, seguramente o máis bonito e completo de todos os que podemos atopar no concello de Rianxo. Non só destaca a forma da capela, senón tamén os motivos representados nos laterais: Santiago Matamouros, San Francisco e Xesucristo camiño do Monte Calvario. Polo que se comenta, debe ser do século XVI.
O cruceiro pegado á fachada, no xornal De luns a venres
17 Xan
A coordinadora do xornal De luns a venres é amiga miña. Falando un día con ela de imaxes curiosas, decidín enviarlle estas fotografías que xa puxen neste blog noutra ocasión. O caso é que hoxe as publicou no xornal. Iso si, por se alguén entendo que eu dixen que as vivendas son recén construídas, en ningún momento comentei nada. Simplemente enviei as fotos.
A penitencia da Virxe ante a aberración urbanística
29 DecAntes de nada teño que dicir que estas imaxes son reais. Non hai nada de fotomontaxe. Está entre Fincheira e As Cortes, en pleno cruce que nos leva á praia de Tanxil de Rianxo.
A min particularmente é que me dá vergoña ver como se fan estas cousas sen que pase nada e como se todo fose perfectamente normal. Temos unha aberración urbanística diante dos nosos ollos, fronte a un cruceiro que seguramentente máis dun século de vida, e dende Urbanismo, dende Patrimonio ou dende o organismo pertinente non se fai nada, é máis, permítese que pasen estas cousas. Se é que máis gañán e paleto non se pode ser. De verdade custaba algo facer as cousas doutro xeito? Pois está visto que a penitencia da Virxe é esta, estar castigada de cara á parede.
Cruceiro da Somoza
19 AbrMoitas veces pasamos ao seu carón, case sen prestarlles atención. Simbolizan o pasado, pero tamén a cultura, o traballo, as mans, as crenzas, a relixión e todo o que foi a nosa terra.
Moitos, coma este cruceiro da Somoza, en Asados, álzanse maxestousos, semellando querer tocar o ceo, estando máis preto de alá que de aquí. A súa función é lembrarnos a paixón de Cristo, a súa morte e o sufrimento que experimentou. Eu véxoo como un símbolo do que fomos. Pero tamén do que podemos ser. Podemos tocar o ceo, crer no que somos, loitar por aquilo que nos gusta e intentar ser cada día mellores persoas.
As miñas fotos en Flickr
|
Comentarios