Volvemos subir algunhas fotos antigas que forman parte dunha recompilación que comezaron Miguel Somoza Rodríguez e Suso Santos Rodríguez. Primeiro colleron as fotos da familia e despois a das familias dos amigos. “Cando xa tiñamos máis de 200, cedémosllas ó Centro Cultural Simón Varela de Asados para a súa custodia e exposición. Entón os veciños levaron máis fotos e Rafael Antonio Piñeiro continuou o escaneado ata xuntar unhas 400”, segundo nos explicaba o propio Suso Santos. Están no facebook Rianxo dende a Lioira.
Asadelos, Cruceiro Vello anos 50
Casa dos carreteiros, en Asados, nos anos 50
Casa dos carreteiros, en Asados, nos anos 50
Estrada que vai de Asados a Rianxo, dende a altura do Cruceiro
Na Atalaia. A casa vella de Felipe, xusto diante de onde está a actual ferretería
Fotos de Rianxo 
A malformación ou deformación provocada pola formación como Arquitecto lévame a facer comentarios de Arquitecto:
– Como podedes aprezar, as casas antigamente (e así debe ser) deixaban as pedras arredor das xanelas (cantería) á vista, namentres o resto da fachada era recebada con cal (cor branca), porque a cachotaría está colocada para revestir con cal.
O Cal é un invento especialmente indicado para o noso país. É transpirable, é absorbente, no inverno chupa a humidade e expúlsaa no verán.
Na actualidade está moi estendida a “moda” de descarnar as fachadas das casas antigas e deixar a pedra de cachotaría á vista.. As xuntas da pedra rexúntanse con morteiro.. Cando intentas darlle unha explicación, os albaneis din que lle botan por riba un “produto máxico” transparente que cobre a pedra.
É UN ERRO GARRAFAL,
O produto máxico dura catro anos, destroza as micropartículas da pedra e faina máis débil. É unha moda que debemos derrogar canto antes..
AS CASAS ANTIGAS, OS PANOS DE CACHOTARÍA DEBÉMOLOS RECEBAR CON MORTEIRO DE CAL (hoxe hai Cal Hidráulico prefabricado, xa),,, e a CANTARÍA (cantería) pódese deixar á vista, como nas Igrexas.