Chega unha das festas máis divertidas do ano, o entroido. Ademais, faino cun tempo moi primaveral, polo que se agradece dobremente poder saír de festa e desfrutar disfrazado. Os primeiros choqueiros que vimos en Rianxo este ano foron os alumnos das escolas de Asados e de Rianxo, que desfilaron polas rúas xunto aos mestres. Velaquí algunhas das imaxes.
Maite Mosconi é unha das autoras rianxeiras que presentarán a súa obra na Feira do Libro de Rianxo. Nacida en Asados en 1985, comenta que lle produce moita ledicia presentar a súa obra na terra. Sempre tivo a ilusión de poder contar a súa historia, algo que conseguiu con Gaedheal. Trátase do primeiro libro dunha triloxía de aventuras para a que se documentou moito, e que non deixa de ser unha homenaxe á cultura galega. Coñecemos un pouco mellor a Maite.
“Fomos trending topic en Asados”. Así é como resume Graciela, do salón de beleza e peitados Pelos a curiosidade e as conversas que xerou o cambio na súa fachada comercial. Ao seu carón atópase a mercería PuntHadas, un negocio que moita xente non coñecía. Levaban tempo dándolles voltas á idea de facer unha reforma, pensando precisamente en captar a atención e deixar claro que ofrecían. O resultado chegou da man do Studio Moai e non deixou indiferente a ninguén.
As imaxes que compartimos foron sacadas por A Fiestra Fotografía.
Xa esta aquí Don Carnal. Ou para que todos nos entendamos, xa chegou o entroido. Unha data para festexar e saír á rúa disfrazados.
Un ano máis, as pistas da nosa localidade enchéronse de deportistas con ganas de pasalo ben. Eran os participantes da VI BTT e Andaina Concello de Rianxo, organizada polo clube Castro Barbudo, coa colaboración do Concello. Estaban apuntados nin máis nin menos que 864 participantes (206 na andaina e 658 na proba de bicicleta de montaña).
Os cativos do colexio Ana María Diéguez de Asados son uns artistazos. Mirade senón que cabazas tan chulas e tan orixinais fixeron neste Samaín.
Comezan as festas de Asados. O venres 11, o sábado 12 e o domingo 13 os rianxeiros temos unha cita para desfrutar e pasalo ben na parroquia de Asados coa súa gran verbena e actividades. En palabras da Comisión de Festas, a programación “segue a liña marcada do ano pasado, actividades para todas idades e non só verbena pois temos que desfrutar durante o día e a noite!
O 23 de xullo tivo lugar o II Trail Subida ao Pico Muralla, organizado polo Concello. En Rianxo déronse cita preto de 120 participantes. Saíron de Setefogas polo paseo marítimo ata o paseo do río Te, para chegar a preto do Pozo Bastón e, dende aí, subir e subir ata o Pico Muralla. Nin máis nin menos que 670 de desnivel, un exercicio non apto para todas as pernas.
Os veciños de Asados foron protagonistas do programa Grandes Lugares emitido na TVG. Puidemos coñecer o taller de memoria que se realiza na antiga escola rural, a Josefa, a peixeira, á afición do Unión, aos de Airiños, ás rapazas da Comunidade de Montes, ao club de moteiros Jas a Tope… Pincha na imaxe para ver o vídeo completo
