Por máis que saibamos que as festas da Guadalupe de Rianxo son vistas e non vistas, non por iso nos sorprende saber que xa chegamos ao feirón mariñeiro, a un dos momentos máis importantes da celebración, a un día no que a vila vida na rúa, onde (máis ca ningún outro día) o importante é comer, beber, bailar e desfrutar. Porque outro día así non o teremos ata dentro dun ano.
Seguir lendoHabía moitas ganas de festas. O coronavirus provocou, entre outras cousas, que levemos dous anos sen sentir o que é vivir oito días de festas en Rianxo. E onte, por fin, puidemos desquitarnos. Chegou a celebración coa que despedimos o verán. A nai de todas as festas. A Guadalupe 2022.
Tras un par de anos de pandemia, as festas da Guadalupe recuperan o seu formato habitual, con oito días de festas. Fano con moita ilusión e con caras novas, porque á fronte da comisión xa non estará o Xixí, quen pasa a ser Presidente de Honra. No cargo substitúeo Carlos Ces, quen levaba moito tempo como vicepresidente. Falamos con el de como serán estas festas, do traballo da comisión e do que custa sacar adiante tantos días de celebración.
As festas de Guadalupe de Rianxo do 2022 comezarán o venres 9 de setembro e rematarán o venres 16 de setembro. Regresa, tras dous anos de pandeima, a normalidade ás festas de Rianxo, con oito días de troula con tipo de actividades.
É un dos festivais máis coñecidos na comarca e que cada verán atrae a miles de persoas, tanto pola calidade dos grupos que veñen como porque ano tras ano, dende a organización, traballan para que sexa gratuíto. É o Rock in Rian, un festival de música que este ano se deixa de celebrar durante a semana das festas da Guadalupe, como viña a ser habitual.
Outro ano máis o mal tempo fixo que o concurso de carrozas se atrasase. Nesta ocasión houbo sorte e só tardou unha semana en volver o sol. Algúns, incluso aproveitaron para ir fresar e, de paso, unirse á comitiva 😀
O bo tempo permitiu que a animación na rúa e as ganas de festa non faltasen neste entroido. Como tampouco os premios, que foron ben xenerosos coas carrozas gañadoras. Facemos un repaso do visto onte en Rianxo.
Todos os anos centos de rapaces desfilan polas rúas de Rianxo dándolle a benvida ao Entroido. Este ano o tema escollido dos disfraces é o cambio climático, unha mensaxe para concienciarnos de que de seguirmos así estamos poñendo en risco o Planeta.
A Asociación de Veciños de Rianxo emitiu un comunicado amosando a súa preocupación polos carriños de supermercado que estes días deambulan polas rúas da vila unha vez rematadas as festas. Están pensando en lanzar unha campaña titulada “Non os abandones. Eles non o farían”.
Varias veciñas da localidade de Rianxo aproveitan o último día das festas da Guadalupe para surtirse de bolsas. “Agora que as cobran no supermercado, pasar polo Campo é unha marabilla”.
Fotos de Rianxo 