Deixámovos as actividades culturais que se van desenvolver esta fin de semana do 12 e 13 de decembro no marco da programación do Outono Cultural que ofrece a área de Cultura do Concello de Rianxo.
O venres comeza coa presentación da guía de lectura “Tempo de acivros, Tempo de libros“. Na creación e na presentación colaboran todos os centros escolares de Rianxo e a Biblioteca Municipal de Rianxo. O C.E.I.P. A.D.R. Castelao de Rianxo, o C.E.I.P. Ana Mª Diéguez de Asados, o C.E.P. Brea Segade de Taragoña, o I.E.S. Félix Muriel de Rianxo, o C.R.A. de Rianxo e a Biblioteca Municipal de Rianxo.
Despois ás 20:00, será a inauguración A única defensa que permitiu a liberdade que é o título da exposición dos óleos de Paola García Paz que poderá visitarse no Auditorio de Rianxo do 12 de decembro ao 17 de xaneiro.
O día rematará co acto de homenaxe ó escritor Ramón de Valenzuela no centenario do seu nacemento. No acto intervirán Adolfo Muíños, Daniel Pino, Xosé Luís Axeitos, Xosé Luís Méndez Ferrín e Luís Cochón.
![carteis presentacion anuario 2014 1412041959 [web]](https://fotosderianxo.files.wordpress.com/2014/12/carteis-presentacion-anuario-2014-1412041959-web.jpg)
O sábado procederase á entrega dos Premios Barbantia da Cultura 2014. Ademais, tamén se fará a presentación da saída do número 100 do suplemento cultural A Voz de Barbantia e do Anuario de Estudos do Barbanza 2014.
O acto contará coa asistencia de María Xosé Blanco, vogal da asociación; Manuel Cartea, coordinador do anuario; Xesús Laíño, presidente de Barbantia; Adolfo Muíños, alcalde de Rianxo e Diego Calvo, presidente da Deputación da Coruña.
E para rematar, tamén o sábado, celebrarase o Festival de Nadal Aleivosía da Asociación Sociocultural Fogo Fatuo. Contará demais coa participación da Asociación O Pedrón de Padrón.
As entradas para este poderán retirarse media hora antes do comezo do festival no Auditorio de Rianxo.
Fotos de Rianxo 
Deixar unha resposta