Un ano máis, a Peña Cicloturista Castro Barbudo deixou o listón moi alto, xusto o ano no celebra o seu 20 aniversario. E celebrouno nun evento que reuniu a máis de 750 deportistas de toda Galicia. En concreto estaban inscritas 120 persoas na andaina e 642 para as diferentes rutas en bici de montaña.
Por certo, ao final deste post tes os enlaces para descargar todas as fotografías quitadas durante a proba en máxima resolución.
Toca dicir que ano a ano a andaina de 20 quilómetros está a coller forza e vese que cada vez hai máis nivel. Aínda que de novo semella que Francisco Alcalde é imbatible.
Na marcha en bici a saída foi por orde, segundo a maior distancia que se ía cubrir. Aínda que sempre hai algún rezagado que chega tarde e ten que saír só. Iso si, con moi bo humor e ánimo.
Hai que dicir que o día foi espectacular. Para ser febreiro o domingo foi incrible, totalmente soleado e con boa temperatura. Ideal para practicar deporte e desfrutar da paisaxe. Aínda que os de adiante na BTT de seguro que non estaban para mirar as vistas, a maioría a verdade é que dixeron que a ruta foi de 10.
Na andaina igual. O roteiro xunto ao río Te e polo monte fixo que os 20 quilómetros a pé foran máis levadeiros, cun grupo bastante compacto sobre todo no primeiro tramo do percorrido.
Na meta a xente aínda tiña folgos para dar e tomar, a pesar de que as pernas xa levaban enriba unha boa. 
Moitos aproveitaban para sacarse fotos: 
Ou ben celebrar a chegada con alegría:
En canto aos gañadores da marcha ciclista, aquí tedes ao primeiro home e á primeira muller en completar a durísima ruta de 70 quilómetros: 
Pero volvamos á alegría dese momento, da chega á meta tras horas e horas. Algúns mesmo se fundiron nun longo abrazo:
Outros decidiron entrar na meta incluso coa bici enriba, a pesar de que estivera rota dende varios quilómetros atrás:
Os brazos en alto, o sinal da vitoria ou incluso as linguas exhaustas eran habituais no corredor final:
Algún valente, aproveitando incluso o bo tempo, decidiu refrescar as pernas e tratar de revivilas.
Álbumes de foto da BTT:
- Previo e saída.
- Subida ás antenas.
- Alto do Lioira.
- Avituallamento (sobre o quilómetro 27).
- Camiño a Teaio.
- Avituallamento antes do Pico Muralla.
- Subida ao Pico Muralla.
- Chegada á meta.
- Trofeos e fin de festa.
Álbumes da andaina:
Vídeos:
Fotos de Rianxo 
Deixar unha resposta