O programa das festas da Guadalupe é tan completo e tan variado que ás veces non nos dá tempo a estar en todo nin a desfrutar de todo o que hai programado. Así que nesta pequena publicación lembramos algunha destas actividades que houbo durante a semana.
Por exemplo, Ondiñas Mainas celebrou un obradoiro de decoración para o día do feirón mariñeiro. Un tema ben acaído e que era moi práctico para unha das xornadas que máis viven os rianxeiros. 
Mirade senón que cinto tan xeitoso confeccionou unha nena durante o taller. 
Os pequenos tamén puideron desfrutar de debuxo na rúa. Que mellor lenzo que unha gran superficie en branco no marco da rúa de Abaixo. 
Non hai que esquecer tampouco as actividades dos xogos tradicionais. Este ano houbo xogos novos, todos en madeira, para que os cativos tirasen man da súa imaxinación.
Estas nenas estiveron traballando durantemente nunha torre de madeira que non foi máis alta porque os brazos non lles daban para máis. Pero menudo mérito e constancia!
Fotos de Rianxo 
Deixar unha resposta