O pasado sábado realizouse o tradicional pregón da Guadalupe da man do grupo de teatro Airiños, que cumpre nin máis nin menos que 85 anos. Ese día transmitimos en directo ese momento no noso Facebook (aquí podes ver o vídeo), pero temos algunha fotiño que queremos compartir.
Sen dúbida foi dos mellores pregóns que tivemos na Guadalupe. Se o ano pasado Eva Iglesias deixou o listón moi alto, nesta ocasión os de Airiños tiraron tamén de humor e de táboas no escenario para representar unha reunión da comisión de festas na que decidir o programa do 2018.
Tamén lle puxeron música á cousa, con Sabela ao acordeón, dando paso a cada acto escénico a ritmo do máis que coñecido “E súmballe ó caneco”.
Fotos de Rianxo 
Deixar unha resposta