O pasado venres 11 de abril, tivemos a oportunidade de asistir á presentación d’As Crónicas de Bran, de Xosé Duncan, autor de Taragoña. De feito, o acto livo lugar na biblioteca do Brea Segade de Taragoña, e alí o novelista estivo acompañado polo dúo musical Barahunda, e polo mestre e musicólogo Jose Luís Pico Orjais que nos ofreceron un mini concerto @s alí asistentes.
Despois, xa metidos en materia, Xosé Duncan, afanouse en desgranar as pautas máis importantes d’As Crónicas Bran, do cal presenta o seu segundo volume, A porta de Annwn. Así mesmo, tamén nos ofreceu pistas do que será o terceiro libro da saga, que moi pronto estará xa nas librarías do país.
Cabe destacar que a través destes dous libros xa editados, poderemos introducir @s nos@s cativos no mundo da literatura fantástica, dun xeito ameno, achegado e como non, en galego. Velaquí tendes unha recensión moi interesante do libro,
Para rematar a presentación, o autor pasou ao “momento bolígrafo”, dedicando os libros a quen os tivera alí neses intres.
Deixámovos tamén o enlace á biblioteca do Brea Segade, que nos parece ben interesante o traballo que se está a desenvolver dende este centro educativo: www.blogoteca.com/bbs
Fotos de Rianxo 
Unha resposta a “Presentación das Crónicas de Bran en Rianxo”