Ruta polo río Te ata o Pozo Bastón

2 Ago

rutapozobaston

Dende Rabunho Rexeita e dende Fotos de Rianxo gústanos presumir, e moito, das paraxes de Rianxo. Por esa razón, o próximo domingo, 9 de agosto se nos ocurríu facer unha ruta de sendeirismo, á que vos animamos a unirvos. Se queres pasar unha agradable mañá desfrutando da paisaxe rianxeira, só te tes que apuntar en http://ir.gl/rutaTe

A idea é saír sobre as 9.45 horas de Ponte de Te, en Taragoña (preto do bar Fox e da rotonda de entrada ao polígono e á autovía), para percorrer o río máis famoso de Rianxo e que atravesa Taragoña, Asados e O Araño. Son arredor de 11 quilómetros, polo que indo tranquilos lle calculamos unhas 3 horas e media. O tramo é bastante sinxelo, aínda que ten zonas de dificultade media nas que hai que ir con coidado.

A ruta non sería circular, senón que remataría na Ferrería (O Araño) sobre as 13.30 horas, polo que dende ese punto cada un debería volver pola súa conta. O que si, algúns imos organizarnos para deixar un coche preto do final e que outro participante nos achegue no seu vehículo ata o punto de saída. Se vos interesa facer isto, indicádeo no formulario.

Hai que incidir no feito de que se trata dunha ruta feita entre amigos, na que pode unirse calquera, pero non é algo oficial. Por ese motivo, cada participante acude baixo a súa propia responsabilidade, de forma libre, polo que se pasa algo (malo será) dende aquí non nos faríamos cargo de nada.

Con calquera dúbida, podedes escribir a fotosderianxo@gmail.com

Por outra banda, se vos preguntades que ofrece a ruta, indicarvos que durante todo o percorrido veremos un bosque de ribeira no que abundan os ameneiros, os bidueiros, carballos, loureiros, freixos e, no trato final, incluso as abeleiras. Iso si, o río a estas alturas do verán non leva auga, aínda que no Pozo Bastón nos poderemos bañar. Velaquí algunhas imaxes da ruta.

ruta Te 013 ruta Te 015 ruta Te 022 ruta Te 024 ruta Te 026 ruta Te 028 ruta Te 030 ruta Te 048 ruta Te 055 ruta Te 082 ruta Te 086 ruta Te 094 ruta Te 096 ruta Te 121

 

 

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: