O pasado domingo achegámonos ó campo municipal de Vilas para presenciar o partido que enfrontaba ó Unión femenino co C.D. Sar.
Nas gradas do campo había un moi bo ambiente e tanto os seareiros do Unión coma os do Sar se afanaban en animar as súas xogadoras.
O encontro estivo moi entretido e non exento de xogadas con duras entradas que fixo que por varias veces se detivese o partido. Nun destes lances, unha das xogadoras tivo que ser trasladada fóra do terreo de xogo por mor dun golpe bastante forte.
Foi moi gratificante ver a todas esas rapazas no campo xogando ó futbol, cando o máis normal é que estes partidos sexan de homes. Así que é un paso pequeno pero moi significativo no deporte feminino no noso concello.
Ao final a balanza decantouse do lado do Unión, que acadou un resultado de 3-1.
Deixámovos unhas cantas instantáneas do transcorrer do partido:
Fotos de Rianxo 
Deixar unha resposta