Onte pola noite as Jualalupeñas organizaron un evento que reuníu a centos de mozos en Rianxo. Ademais de dous DJ, actuaron os noieses Monoulious DOP e houbo premios para os mellores difraces.
Dende primeira hora da noite xa había movemento non tanto na carpa do evento como nos arredores e tamén no Campo de Arriba, onde os mozos quedaban para falar, rir e contrarrestar o frío da noite.
A pesra de que estaba previsto o comezo da súa actuación para as 23.00 horas, o dúo Monoulious DOP retrasouse un chisco. Iso si, mereceu a pena, porque os presentes puidemos rir un montón cos seus temas pegadizos.
Para a súa canción “come, come, come ghominola”, pediron que subiran ao escenario varias parellas, ás que lle deron cadansúa gominola.
A idea consistía en que as parellas comeran a gominola, pero non rápido, senón recreándose.
E vaia ser algún se recreou e subíu a temperatura da noite. Foi das cousas máis divertidas da noite sen dúbida.
Pero aínda quedaba noite por diante, e DJ Peri e DJ Parru seguiron poñendo música aos que ían pasalo ben. Hai que dicir que este ano participou moita máis xente e que os que iamos sen disfraz eramos a minoría, polo que o entroido gusta e moito en Rianxo.
A iso das 3 da madrugada comezou o concurso de disfraces. Velaquí algúns dos participantes:
Estas foron as gañadoras do mellor disfraz grupal, como super mandilón:
E este recibíu o premio ao mellor disfraz masculino:
Arale (que ía acompañada da súa merdiña), foi a gañadora da categoría feminina:
Os premiados recibiron cadansúa cesta con produtos típicos de entroido:
Fotos de Rianxo 
Boisimas fotos!!!
Graciñas 🙂
A xente, tamén o hai que dicir, é moi accesible e moi simpática, co que facer as fotos é moi doado.