Un ano máis a Peña Cicloturista Castro Barbudo celebrou a súa proba máis veterana, que chegaba á maioría de idade. Desta vez chegou con novidades, xa que en lugar do sábado á tarde se desenvolveu durante a mañá do domingo. Ademais, había dúas categorías, a habitual marcha cicloturista, duns 31 quilómetros, e unha ruta de 62 kilómetros, puntuable para o Open De Galicia Xcm.
Tomaron a saída preto de 175 participantes, cun nivel moi alto. E mentres os “rapidillos” tomaban os primeiros postos da saída, por atrás non faltaban as ganas de pasalo ben e desfrutar da xornada.
Ás 9 da mañá tivo lugar a saída dende Campo de Pazos. O primeiro quilómetro estaba neutralizado, entres todos chegaban por estrada ata Campo Maneiro. Alí deuse formalmente a saída. Quedaba por diante moito monte, con treitos moi duros, tramos moi desfeitos e zonas para desfrutar da bici.
Algún dos momentos máis espectalares puidemos velo onde, tras unha dura subida, os participantes puideron arrearlle gas, tirando de freo á altura da estrada:
O máis rápido foi Javier Bustos, do Extol-La Gramola Team, cunha velocidade media de 20,88km/h. Case medio minutos despois aparecía Brandán Márquez, do Non-Stop Club Ciclista. O podio masculino completábao Alejandro Trasbach, que entraba un minuto despois do primeiro, en total rodando 3:22:05h.
Nas mulleres dominou Teresa Barreira, do Castropol Deporte, seguida de Lara Lois do Prorebordosa e de Isabel Picoaga do 7 Voltas.
Álbumes de fotos:
- imaxes previas á saída
- cortalumes en Ourille (quilómetro 4)
- baixada preto de Cerqueiras (quilómetro 16)
- subida xunto ao campo de festas do Araño (quilómetro 23)
- podium e chegadas
Fotos de Rianxo 
Deixar unha resposta