Canto custa facer unha festa? O caso das do Araño

28 Ago

Ás veces non somos conscientes de todo o traballo que require organizar e pagar unhas festas. Por iso nos parece un interesante exercicio ver de onde se sacan os cartos e canto diñeiro fai falla para celebrar unhas festas parroquias. Moi acertadamente, para que se valore o seu traballo, dende a Asociación de Festas do Araño publicaron os seus gastos e ingresos.

Aquí está o cartel das festas, tres días coas orquestras Os Ánxeles, Bahía Blanca, D’Noche, La Torre, Brujas, Dúo Óbice, gaiteiros e fogos.

A isto habería que sumar outro día coas festas de Buhía:

Canto credes que custa?

Pois nin máis nin menos que uns 32.000€. Case nada. Como podedes ver no orzamento inferior, o gasto repártase entre:

  • orquestras: 18.800€
  • bombas e fogos artificiais: 4.200€
  • gaiteiros: 4.000€
  • luz e xerador: 1.600€
  • libro: 1.441€

Ademais hai moitos outros gastos, como o seguro, as actividades para os máis cativos, a impresión de camisetas e… ata 17,28€ de comisión no banco 😦

De onde procederon os ingresos? Sobre todo das cotas dos veciños, pero con iso non chegaría para todo:

  • cotas: 22.260€
  • donativo libro: 3.625€
  • cantina: 3.500€
  • cesta de Nadal: 1.447€
  • camisetas: 700€

Tamén houbo un donativo de 600€ da Comunidade de Montes do Araño, e mesmo un señor de Campelo puxo 600€ para os fogos artificiais, o cal é moi de agradecer.

De novo vemos que detrás dunha festa hai un traballo moi moi grande e duro, que é a labor de todo un ano, que hai que contar ata o último céntimo e que, sobre todo é moi pouco agradecido, porque a xente da comisión de festas adoita estar nas festas de cada detalle en lugar de desfrutar da celebración. Así que polo menos, dende aquí, queremos agradecer o seu estupendo traballo.

festas

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: