Cheo ata a bandeira. Había expectación onte en Rianxo por ver o que deparaba a Pasarela Castelo da Lúa e non defraudou. Xa antes da apertura de portas había moita xente esperando fóra do pavillón polideportivo municipal. É máis, o foro do recinto quedouse pequeno para tal evento e houbo persoas que tiveron que quedar fóra por cuestións de seguridade.
Dentro do backstage había nervios. Máis de 20 establecementos do Concello traballaran arreo para amosar o seu traballo e todo o mundo quería que o desfile saíse á perfección. A propia presentadora do evento, Belén Xestal, comentabanos que o nivel de organización era moi alto e que o desfile non tiña nada que envexarlle a moitos outros de renome, como a gala de Miss Galicia que ela mesma presentou. Vamos, que o nivel foi moi alto e o listón semella difícil de superar se se repite o evento no 2014.
Pasaban uns minutiños das oito da tarde e tocaba acender as luces de demostrar que en Rianxo e dende Rianxo tamén se fai moda de calidade. E non só moda, porque no desfile participaban perruquerías, ópticas, reloxerías, floristerías, zapaterías e moitos outros negocios do municipio.
O primeiro tenente de alcalde e edil de comercio, Carlos Gey Hermo, recollía o micrófono da man de Belén Xestal para comentar que a idea era demostrar precisamente que non fai falla ir ás grandes superficies comerciais para atopar o que buscamos, porque en Rianxo hai moitos establecementos que teñen o que precisamos. Roupa de calidade, para todos os petos, bonita, poñible, personalizada, para unha voda, para fin de ano… E con todos os complementos que necesitamos. Por iso o comercio local se volcou co evento, para demostrar que por riba do márketing, ao noso carón temos moitas tendas e negocios de garantía.
E abofé que os máis de cen modelos (de todas as idades) que desfilaron sobre a propia pasarela demostraron que en Rianxo hai onde escoller para estarmos máis que guapos. En concreto, no desfile participaron:
– Mi vestido encantado
– SFC – A fiestra, coa perruquería Teresa
– ChucChus Moda, coa perruqería Bolboreta
– Academia de Deseño e Confección Mª Jesús Gey, coa perruquería Imperial
– Enredos Deportes, con Auga Estilistas
– Acuarela, con Lydia Mariña Peluquería
– Donaire, con Silvia Noya Peluquería
– Centro Óptico Grela, con perruquería Imperial
– Pasarela, con Obel Peluquería e Estética
Colaboraron tamén ACM Inforibérica, de Pepa Complementos, Floristería El Jardín, Floristería La Rosa, Floristería Dalyra, Labralia Rianxo e Zatarías Marty
Por certo, que dende o Toffe serviron un cóctel e un bombón a toda a xente do público, de xeito totalmente gratuíto. Ademais, dende o Toffe costearon un photocall no que houbo moita xente que tamén quixo posar e sentirse modelo por uns segundos.
Comentar que temos foitas fotos do desfile e que as intentaremos subir nas próximas semanas, aos poucos, así que ficade atentos 😉
Fotos de Rianxo 
Deixar unha resposta