Este verán, grazas ao amigo Carlos Bastos, descubrín a historia de por que aos habitantes de Taragoña tamén lles chaman “Cangrexeiros”.
Foto de Xornal Certo. Fonte: http://www.flickr.com/photos/15528381@N02/4033592681/
O caso é que todo vén a raíz dunha historia acontecida por un veciño da parroquia. Este home chamábase Felipe “O Delgado” e vivía na aldea do Burato. Viña dunha familia de cartos, pero foron vendendo aos poucos todo o seu patrimonio, acabandando co capital e quedaron sen un can.
Así que o pobre do Felipe ía comer ás casas dos veciños, vivía da caridade das xentes e, cando había marea, tamén acudía á ribeira, á praia da Torre para mariscar. Conseguía dese xeito ir alimentándose. Daquela había moitos cangrexos na zona da desembocadura do río Te. Así que un día colleu uns cantos e fixo unha empanada botándolle masa por riba. O caso é que os crustáceos aínda vivos, así que en canto sentiron o lume, escaparon coa masa ao lombo 🙂 Así que a partir de aí, aos de Taragoña se lles chama tamén cangrexeiros. Datos da historia: Wikipedia.
De aí tamén colleron o seu nome a banda de gaitas Os Cangrexeiros, todos de Taragoña e ex-compoñentes da banda Buxaina. Algún deles mesmo ten tatuado un cangrexo tocando a gaita:
Autor: Carlos Bastos
Fotos de Rianxo 
Deixar unha resposta