Dende hai bastantes semanas, unha das noticias que ronda polas cabezas dos rianxeiros é quen vai ser o novo párroco. Como sabedes, o sacerdote Fernando Palleiro leva moitos anos oficiando misa e distintas cerimonias relixiosas na igrexa de Santa Columba, polo que é normal que haxa curiosidade en saber quen vai ser o novo sacerdote.
Pois xa está confirmado que o novo párroco de Rianxo será alguén moi coñecido, xa que a día de hoxe tamén é o cura de Isorna. Ademais, a moitos de nós tamén nos deu clases de relixión no Instituto Félix Muriel de Rianxo. Pero leva moitos anos tamén sendo cura nas parroquias de Bealo e de Cespón. O seu nome é Francisco Pena Calvar, aínda que case todo o mundo o coñece como don Paco.
Que vaia ser o cura de Rianxo non significa que deixe de selo no resto de parroquias. Cada vez hai menos sacerdotes, así que é normal que oficien en distintas igrexas. Ademais, como curiosade, trátase do cura máis novo dos que hai na zona. Ademais, don Fernando seguirá a oficiar misa, axudando a don Paco.
Imaxe de La Vo de Galicia
Foto de http://www.gorinho.gl
Como podemos ler nunha entrevista que lle fixeron Samuel Iglesias Rodríguez e David Lobato Rey en gorinho.gl, don Paco estudou nos seminarios de de Santiago, no Menor de Belvís (no que entrou con 10 anos) e en San Martín Pinario (no que entrou con 17 anos). Finalizado o seminario, comezou a traballar de diácono en Forcarei.
Explica tamén que “antes se concibía ao cura como o señor da parroquia”, pero que o seu labor é “pastoral, celebrar os sacramentos e curar os enfermos”. Ademais, o “sacerdocio é un sacramento que imprime carácter, pódenme quitar o cargo, pero non botarme”.
Como curiosidade, incluso coenta que tivo algún sacristán que lle bebía o viña, “había un ao que llo tiña que esconder”.
Fotos de Rianxo 
Deixar unha resposta