Un ano máis, comezaron as festas da Guadalupe. Neste 2o14 botamos a andar coa ameaza de algo de chuvia. Pero no chupitaso medo de mollarse non había, porque os centos de mozos que estaban na praza de Castelao o que tiñan era ganas de que comezase a festa para tirarse auga e viño.
De novo puidemos ver xente con moitas ganas de pasalo ben e con atuendos que xa deixaban ben ás claras que chegan días de festa, no que o importante é a diversión.
Este ano, coido que con moi bo criterio, non se realizou o pregón no día do chupitaso. Os mozos a verdade é que están para outra cousa. E o ano pasado, por poñer un caso, foi unha mágoa que Carlos Blanco non puidese ler o seu pregón porque pouca xente lle facía caso. Así que o chupitaso é para o que é. E o pregón pasa para o sábado ao mediodía, xa con outro ambiente.
Antes do chupitaso, comezou falando o alcalde, Adolfo Muíños. Seguiulle o presidente da comisión de festas, o Xixí. Para remataren os reponsables da Comisión de Festas das Juadalupeñas, que leron un a un o nome das peñas presentes na praza.
Xa co chupitaso, a praza, que xa cheiraba a viño, mollouse aínda máis se cabe, como cando na Fórmula 1 se celebra un trunfo. Ou como cando se descorchan botellas de champán en fin de ano.
Os DJs comezaron a tocar, primeiro temas de pachagueo e merengues, para pasar, pouco a pouco, a temas máis dance e electrónicos.
Xa vedes que, para moitos, a Guadalupe é realmente a Juadalupe Fashion Week.
Algún xa viña con flotador, non fora ser que chovese viño de máis: 
Velaquí celebrando o inicio da Guadalupe: 
A auga tampouco faltou. Que non se diga que só en Vilagarcía saben mollarse: 
A xente emocionábase e abrazábase co inicio das festas. Hai que pensar que para moitos son as vacacións do ano e vese a xente que no se ve en meses: 
Fotos de Rianxo 
Os Dj non tocan, danlle ” play ” a un archivo que traen feito da casa. Penoso non levar música en directo en un pobo cheo de músicos