A semana pasada, paseando entre o monte de Rianxo e o de Leiro, descubrín con asombro que ao lado dos camiños puxeron carteis indicativos de que preto hai petróglifos ou mámoas. Ata o de agora, os únicos carteis que podíamos atopar estaban a carón das estradas e, despois, alá te mataras no monte. Dende a Alcaldía, explícannos que foi unha acción de “Arousa Norte coa indicación do Concello”, e que sinalizará un roteiro arqueolóxico.
Iso si, segue a ser complicado dar con algunhas cousas. Pero, agora, cando menos, hai unha referencia máis aproximada de onde está cada cousa. Dende o Concello indican que aínda “falta un panel grande na zona do instituto que indica un roteiro arqueolóxico por Rianxo que iremos mellorando”.
Fotos de Rianxo 
A ver logo se consigo velos agora. Graciñas polo labor.