O pasado domingo 28 de setembro, a Asociación de Veciños do Araño (a única que existe en Rianxo), organizou por cuarto ano consecutivo unha camiñata ata o pozo Bastón de Buía. Ao final, xuntáronse preto de 50 persoas, polo que ano a ano vai collendo pulo a iniciativa. Saíuse pasadas as 9.20 da mañá, xunto ao hórreo máis longo do mundo, e chegouse á fervenza a iso das 11.10 horas. Aquí deixamos unhas fotos do que deu de si a mañá, pero tedes moita máis en Rabunho Rexeita, co avituallamento e todo.
Como vedes, a auga non falta no Araño 🙂
Sinalar que dende Arousa Norte limparon o día anterior o acceso, a abriron unha nova variante. Menuda baixadiña. Aínda que non o pareza, era bastante inclinada e polo medio había un rego: 
Fermosísimo o lugar do pozo Bastón: 
Comentar que grazas ao presidente da Asociación, Luis, descubrín que pola zona abundan as abeleiras e ata se pode ver como no chan hai abelás. Pequenas, pero abelás:
Á volta regresouse por outro camiño, moito máis sinxelo, pero da auga non nos libramos:
Velaquí o meu pai, con Manuel Sóñora, da Ermida, antigo garda ríos. Aquí estalle a amosar a súa acreditación como comuneiro e tamén un permiso de armas curtas:
E velaquí o descanso do guerreiro. Un estupendo avituallamento con refrescos, viño e empanadas: 
Comentar que aproveitamos para ver a nova pista deportiva da parroquia, na que aínda faltan as porterías e demais:
Iso si, o primeiro en estrear a zona foi un coche facendo trompos. Un pouco de civismo coas zonas públicas e de todos os veciños nunca sobra, porque este tipo de proxectos son custosos:
De volta xa cara á igrexa do Araño:
Hora aproximada de chegada: 13.20 horas.
Fotos de Rianxo 
Deixar unha resposta