Faro de Vigo. Foto de Jesús Regal
Para nós Rianxo é o noso concello. A terra de grandes escritores, de bos músicos, de mellor xente, de grandes produtos do mar e da terra… Pero en Ourense, a palabra “rianxo” ten o seu propio significado.
A través da prensa, sobre todo dos xornais La Región, La Voz de Galicia e Faro de Vigo, fun vendo varios titulares que contiñan a palabra que dá nome á nosa localidade:
- La universidad difunde el rianxo entre los alumnos
- El “rianxo” está en peligro de extinción
- Los comerciantes de la plaza de Abastos de Ourense reclaman que se adecente ya el rianxo
- Los restos de los botellones salpican al rianxo de la Praza
Vamos, que se trata dunha palabra habitual na cidade das Burgas, xa que o recollen diferentes medios. Non obstante, buscando no dicionario da Real Academia da Lingua Galega non atopamos ningunha definición como tal. É dicir, que non existe un uso formal e recollido na nosa lingua da palabra “rianxo”.
Pero que non unha palabra non estea recollida por un dicionario, non quere dicir que non se use. E vaia se se usa en Ourense. Pero volvendo ao título deste post: cal é o seu significado?
Como vedes, trátase dunha palabra relacionada directamente coa praza de abastos do lugar. E vén a ter o significado de “venda de proximidade de produtos frescos”. De feito, é a zona cuberta no exterior da praza, tipo tenderete, na que se realiza unha venda directa de produtos da horta.
La Región de Ourense
Cal é a súa orixe? A verdade é que non o sei. Ocurríuseme pensar que talvez se tratase de algo relacionado co noso concello. Xa que en Ourense non hai mar, pois o peixe chegaba de Rianxo e a venda dese produto na praza de abastos levaba o nome da localidade de orixe. Pero xa vedes que ten que ver con produtos da horta, polo que a explicación non ten moita lóxica nin me consta que as capturas de peixe da zona chegasen ata Ourense. Así que para min segue a ser un misterio.
O caso é que si ten que ver con produtos tradicionais, de toda a vida e da casa. Velaquí unha campaña institucional apoiando o “rianxo”:
Fotos de Rianxo 
Rianxo non virá de “Ría do Anxo”?
Xosé, esa é unha das orixes que se manexan para falar da nosa vila.
Pero neste caso estamos a falar dunha palabra que se emprega para falar da venda de produtos frescos, da horta, nun mercado. Polo que aí o de “Ría do Anxo” non tería moito sentido.
Un saúdo!
Rianxo, levo escoitado toda vida son os productos agrícolas do cedo que solo se dan nás ribeirás, todos sabemos que na provincia de Ourense existe a ribeira a montaña e o Val, pois nas ribeiras e onde se dan os primeiros frutos agrícolas. Verduras, patatas novas, ect…