Valse “Rianxo”

A fin de semana pasada vímonos inmersos no enorme pracer de poder contribuír fotograficamente ó desenvolvemento da promoción do valse “Rianxo, capricho para piano” que se levou a cabo por varias partes do Concello.

A partitura orixinal era para piano, e a adaptación para frauta e guitarra fíxoa J. Luís do Pico Orjais. Foi gravada por Pepe Romero (frauta) e J. Luís do Pico (guitarra). Título orixinal: Rianxo. Subtítulo: Capricho para piano. Autor: L. Fernández. Pertence ao depósito de J. Ramón Nine Piñeiro, tío avó de José Nine Ces (depositante).

A música, para quen non tivo a ocasión de escoitala deixámovosla no seguinte enlace.

A idea, era congregara máxima xente posible o domingo pola tarde na praza de Rafael Dieste para bailar este valse e dalo a coñecer ó pobo de Rianxo. Pero todo isto ten un antes que deseguida vos imos amosar en fotos.

Todo comezou o sábado, na vivenda de José Luís Pico e Teresa Rodríguez, onde se procedeu á gravación e posterior entrevista con José Nine Ces, depositario da obra.

Despois de xantar fixéronse as primeiras probas de baile e ambientación no adro da igrexa, na rúa de Arriba e tamén no local de ensaio de Vai de Roda. Particparon vari@s rapazas e rapaces do grupo, acompañados por Dani, o seu profesor de baile.

Xa o domingo, de mañanciña, deu inicio a gravación por diferentes espazos de Rianxo, comezando nos arredores do Castro Barbudo, en Taragoña:

Logo baixamos á vila para gravar na praza da Fonte:

Na Praciña:

No peirao:

Fronte a Picariños (petición popular dos nenos e nenas…):

No peirao de Setefogas:

Na casa de Manoel Antonio:

Na de Rafael Dieste, e na de Castelao:

E na praza de Castelao:

Ás cinco, un medio cento de persoas reuníronse para escoitar o valse e arrimarse para escorrentar o frío do invernal día e pasalo o mellor posible bailando.

Deixamos tamén a foto das nenas e nenos de Vai de Roda acompañados por Dani quen, sen rechistar, aguantaron todo un día de axetreo e vaivéns a ritmo de valse:

Por último, só queda dicir que todo este traballo de tanta xente terá un final, alá polo 28 de marzo, cunha gala no auditorio rianxeiro para amosar todo o traballo realizado.

Moitísimas grazas a tod@s @s que fan posible que poida recuperarse un este outro anaquiño da historia de Rianxo!

Etiquetas: J. Ramón Nine Piñeiro, José Luís Pico Orjais, José Nine Ces, Pepe Romero, Vai de Roda, Vals Rianxo