Falece o médico e concelleiro Ricardo Besada

22 Xul

De novo, no día de hoxe, temos que dar conta dunha tráxica noticia que afecta á corporación municipal. José Ricardo Besada Gesto faleceu esta pasada noite. Era un veciño coñecido en todo Rianxo, non só por ser concelleiro senón, sobre todo, por ser un médico. Moitos veciños tíñano de médico de cabeceira, e de seguro que algunha vez nos coincidiu en urxencias de velo no centro de saúde, onde levaba traballando varias décadas.

Dende aquí queremos mandarlle un afectuoso saúdo á súa familia e tamén ao Partido Popular de Rianxo por esta perda tan significativa e repentina, xa que contaba con 60 anos. O noso ánimo nestes momentos tan duros.

Polo que comenta o xornalista Chechu López no seu blog, o suceso tivo lugar sobre as 00.15 horas desta pasada noite. Besada acababa de saír do Taberneiro, no peirao de Rianxo, cando ao dirixirse ao seu automóbil, “caeu ao chan por razóns que se descoñecen ou non trascenderon”.

A partir dese momento, “o persoal facultativo do centro de saúde rianxeiro acudiu de inmediato e estívolle practicando manobras de reanimación durante aproximadamente media hora, pero con resultado infructuoso”. Ata o lugar, alertados polo dono do restaurante, tamén acudíu unha ambulancia do 061 de Boiro, a Garda Civil e a Policía Local.

Nestes momentos, os seus familiares, amigos e veciños están a darlle o seu último adeus no tanatorio de Boiro. O xoves, sobre as 18.00 horas, terá lugar o funeral, na igrexa de Rianxo.

Advertisements

Unha resposta to “Falece o médico e concelleiro Ricardo Besada”

  1. Helena Villar Janeiro 07/22/2015 ás 09:36 #

    Que a terra lle sexa leve.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: