O pasado sábado, 22 de agosto, celebrouse no areal de Tanxil o I Torneo de Rugbi praia de Rianxo, onde participaron distintos equipos de toda Galicia, ao tempo que se contaba cun clube local, Os Irlandeses. Había equipos femininos e masculinos e, a pesar de que o tempo facía pensar que non se podería xogar, ao final disputáronse todos os partidos nun moi bo amabiente.
Trátase dun deporte minoritario en Galicia pero que está a coller pulo e, polo que vemos, a pesar da súa dureza, os que o proban quedan enganchados. Ademais, na nosa comunidade contamos cun equipo feminino na máxima categoría, na División de Honra, o CRAT Universidade da Coruña, que tamén ten representación na División de Honra B masculina. Alí tamén está un equipo que as tempadas anteriores estaba entre os mellores, o Blusens Universidade de Vigo R.C. En Rianxo estivo tamén o seu adestrado, Norm Maxwell, antigo All Black, e que detrás ten unha historia moi curiosa, na que se pode apreciar o seu amor por este deporte.
No torneo desputado en Rianxo, tanto na categoría masculina como na feminia participaron os Ingleses de Vilagarcía, os Irlandeses de Rianxo, o Barbanza, Pementos, Keltia de Ourense e Mareantes.
Velaquí podedes ver en acción a Maka Tatafu, natural de Tonga (Oceanía), que xogou no seu día na máxima división do rugbi neozelandés e que o ano pasado foi o segundo deportista con máis ensaios na División de Honra española, co Blusens Universidade de Vigo. 118 quilos nun corpo de 1,82 metros de estatura. Puro músculo e enerxía. Aquí veu xogando cos do Keltia, pero este ano igual se vai xogar co Getxo, á primeira división. 
Nestas imaxes podedes ver a final feminina. Foi atípica porque, por falta de xente, se fixeron equipos mixtos.
Gañaron as xogadoras dos Ingleses de Vilagarcía, impoñéndose aos do club Barbanza. 
Esta rapaza, onde a vedes, a pesar de ser a máis pequena das que xogaron, foi unha das máis activas. Non só placaba rivais, senón que incluso conseguiu dous ensaios, demostrando que a velocidade e a axilidade son tamén unha arma moi importante no rugbi. 
Os rapaces que a semana pasada participaron no Campus organizado pola Federación Galega de Rugbi, e que tivo lugar entre o Pazo de Rianxiño e o Instituto Félix Muriel, tamén xogaron en Tanxil. 
Os nenos recibiron o aplauso do público e o recoñecemento da Federación.
Estas xa son imaxes correspondentes á seminifinal do torneo masculino, onde gañaron os Pementos. 
Momento da entrega das medallas aos rapaces participantes no Campus. 
E aquí xa a gran final, entre os Irlandeses de Rianxo e o Keltia de Ourense. Os nosos son os de verde e laranxa, patrocinados polo Toffe, o Gallaecia e a Parrillada Ourense. 
E aquí o rivais, tamén unidos antes de comezar o encontro decisivo. 
Os xogadores pelexaron todos e cada un dos balóns con grande intensidade. 
Un xogador do Keltia anotando un ensaio:
E aquí un dos nosos sendo parado por un xogador do Keltia pouco antes da liña de anotación. 
A pesar da súa experiencia e dos grandes xogadores que tiñan, os do Keltia vían como os Irlandeses ían por diante no marcador.
E aquí xa o encontro final. Coma sempre, abrazos e felicitacións entre os rivais, que non deixan de ser amigos. 
Aquí a foto de familia entre todos os participantes: 
O equipo subcampión, o Keltia de Ourense:
Momento da entrega dos trofeos. Neste caso, con Vannesa Martínez, concelleira do PP en Rianxo:
María Jesús Galbán, do PP, fai entrega tamén dun dos galardóns:
Norm Maxwell, antigo All Black e adestrador do Vigo, coa representante do equipo gañador feminino: 
E aquí Hadrián Otero, dos Irlandeses de Rianxo, con Adolfo Muíños, alcalde de Rianxo, na entrega ao gañador do torneo na categoría masculina: 
Momento da celebración. E a falta de cava, boa tamén é a cervexa: 
Aquí os campións, que xusto a comezos de agosto tamén se impuxeron no V Torneo Internacional Rugbi Praia Vila de Boiro. É xente ben dura. Como poñen na súa camiseta por atrás: “Non nos pariron, talláronnos en pedra”. 
Fotos de Rianxo 
Deixar unha resposta