Sabemos que hai moita xente impaciente por esta entrada coas fotos e a crónica da cuarta edición da BTT Concello de Rianxo, que ademais este ano, como novidade, tamén foi andaina. E aquí a tedes. Faltan algunhas fotos por saír do forno, pero xa temos listas máis de 2.750 imaxes, polo que tedes para buscarvos e buscarvos.
E aquí tedes os álbumes de fotos completos onde de seguro que nalgunha aparecedes:
- Fotos da andaina
- Fotos da BTT:
- Previo e saída
- Mirador da pena (todas as rutas)
- Monte Lioira (todas as rutas)
- 1º avituallamento (todas as rutas)
- Camiño dos Cabalos (ruta de 45 e 70 km)
- Zona do 2º avituallamento (ruta de 70km)
- Subida ao Pico Muralla (ruta de 70 km)
- Circuíto no monte de piñeiros (ruta de 70 km)
- Zona do río (ruta de 30 e 45 km).
- Último tramo e paseo marítimo (todas as rutas).
- Meta e entrega de premios
CRÓNICA:
Comentar que de novo foi un éxito, como o demostran as cifras, xa que houbo máis de 760 participantes, entre amantes da bicicleta de montaña e sendeiristas. Aos que hai que sumar outras 50 persoas da organización. O mérito, como non, da Asociación Castro Barbudo por facer en só catro anos deste evento unha das referencias en Galicia, a Asociación Pateando por implicarse e que ao final todo o mundo poida desfrutar do montaña, sexa andando ou en bici e, como non, ao Concello de Rianxo, a Policía, Protección Civil…
Ás 9.20 da mañá, de forma muy puntual, saíron os da andaina, moitos deles acompañados de cans, polo que non é só unha actividade deportiva, senón tamén de ocio. E só 10 minutos despois partiron os corredores da BTT. O día, todo hai que dicilo, estaba espectacular e puidéronse desfrutar das paisaxes rianxeiras, a diferenza doutros anos nos que a chuvia e a lama pedían un descanso ao corpo.
A andaina, ademais, convertiuse nun acto para reivindicar o mar e para preparar o que vai ser a gran manifestación contra o anteproxecto da lei de acuicultura, contra a que xa se manifestou todo o sector.
Velaquí tedes a subida ao Monte da Pena, coa ría de Arousa de fondo e a serpe de participantes tirando para arriba:
E aquí unha das rampas máis duras, onde poucos podían subir sen poñer o pé no chan. É o monte da Lioira.
Pasados eses tramos, por fin chegaba o momento de repoñer forzas no avituallamento:
Pero aínda quedaba moito por diante, e os participantes da BTT non se aburriron, tendo que demostrar o seu control da técnica, como no Camiño de Cabalos:
Aquí podemos ver aos primeiros da ruta de 70 kilómetros, moi preto do segundo avituallamento:
E aquí xa subindo ao Pico Muralla. A pesar do alto desnivel, algún mesmo se atrevía a facer un cabaliño e todo. Vese que no avituallamento daban ben de comer 😉
Na zona do Pico Muralla a organización, ademais, creou un circuíto nunha zona de piñeiros, de novo para demostrar o control dos participantes:
E aquí temos o momento da meta, onde os camiñantes chegaban tras facer 20 quilómetros a pé. Uns campións:
Os corredores da BTT foron chegando aos poucos, segundo a duración da súa ruta, polo que ás 15.30 aínda seguían chegando algúns, pola dureza dalgún dos percorridos, para xente de moi alta preparación.
E aquí tedes a entrega de trofeos. Nos dous casos recibiron por primeira vez o galardón. Aquí tedes á campioa feminina, a Lara Lois García:
Na categoría masculina, o gañador foi o local Iván Pereira: 
Fotos de Rianxo 
Deixar unha resposta