A parroquia de Taragoña celebra as festas por todo o alto, con orquestras de primeiro nivel, como o Combo Dominicano, Gran Parada ou Os Satélites. Preparádevos para catro días de intensa festa do 19 ao 22 de xullo.
En concreto, a festa arrinca o xoves 19 de xullo coa actuación do Combo Dominicano e dos Satélites. O grupo de gaitas Buxaina e a charanga Noroeste encargaránse de poñer a nota musical polo día.
O venres 20 de xullo celebrarase un serán tradicional, no que actuarán 16 agrupacións musicais. Ademais, haberá comida popular con sesión vermú para animar. E, pola noite, tocarán Marbella e Oca Bang.
Xa na fin de semana, o sábado 21 de xullo pola noite os protagonistas son as orquestras Principal e Brujas. Polo día haberá mexilloada, xogos para os pequenos, mariachis, charangas e pandereiteiras.
Todo o bo se acaba. Neste caso o domingo 22 de xullo. Antes dos fogos de artificio veremos a Gran Parada e a La Ola ADN. E durante o día tocarán a banda de música de Touro, o grupo de gaitas Arume e o grupo de mulleres caboverdianas Tabuko Batanka.
Fotos de Rianxo 
Deixar unha resposta