Un dos lugares máis fermosos e con máis lendas ás súas costas en Rianxo é o Pozo Bastón, situado máis arriba da parroquia da Ferrería. Nunha zona de difícil acceso e preto de onde nace o río Té, podemos atoparnos con esta bonita poza que adoita ter moitas visitas durante o verán.
Hoxe cólgovos aquí unha imaxe impresionante do monte do Araño. Ao fondo, sobre o Pico Muralla, vense unhas nubes preciosas que lle dan ao ceo un toque máxico.
Polo de agora, neste blog só puxen fotos recentes de Rianxo. Pero como non só quero plasmar o que é o Rianxo actual, senón tamén dar unha visión do que era antes, hoxe déixovos un recordo imborrable, unha foto desas de famila que atopei nunha viaxe a Bos Aires, visitando a familia. Aquí aparecen a miña bisavoa (a que está sentada), a miña tía avoa, os meus tíos (os nenos que están en cada esquina), o meu padriño (o que está no colo de miña bisavoa) e un curmá de meu pai (o segundo pola esquerda). Todos en familia para celebraren un día de festa: a matanza do porco.
Fotos de Rianxo 