“DE MINIMIS”, no auditorio de Rianxo.

16 Abr

O pasado venres 12 de abril inaugurouse no auditorio de Rianxo a exposición “de minimis”, que estará pendurada até o 27 de abril.

 Image

Nesta mostra fotográfica, a sua autora Marga Piñeiro Diaz, unha profesora chantadina que no seu tempo de ocio, non ten outra cousa mais que facer que sacar fotos, e vaia fotos!!!!

Se nos achegamos polo auditorio poderemos ver 45 instantaneas, a maior parte delas en branco e negro, que nos expresan a sua particular maneira de ver as pequenas cousas que nos rodean, ainda que tamén hai lugar para pequenas sutilezas de cor…

Image

Deixámovos tamén a presentación que a autora traía preparada para a inauguración:

                        Boa tarde a todos e todas.

Moitísimas grazas por estar hoxe aquí.

Quero comezar agradecéndolle ao meu amigo Xoan Antón Castro Barreiro que fixo as xestións oportunas con Fernando Lavandeira, a este mesmo, e ao Concello de Rianxo, ao seu alcalde Adolfo Muíños e a concelleira de cultura Hadriana Ordoñez para a cesión desta fermosa sala onde podervos mostrar hoxe e ata o día 27 do presente mes un traballo que veño desenvolvendo dende fai aproximadamente seis anos.

E a Lúa Louro, xove deseñadora, que me fixo de maneira altruista o deseño do logo que se pode ver no cartel anunciador da exposición.

Estas fotos, e outras máis, conforman a colección “de minimis”. Son de una serie de imaxes, hai quen di que froito da creatividade, eu coido que dunha especie de tolemia que me ven avisando dende hai tempo para que ande na procura dun cauce a traverso do que poda plasmar aquelas ideas que me xurden de súpeto dentro desta cabeza desfeita e que me obrigan a adicarlles bastantes horas do meu día a día, proporcionándome una enorme satifacción e obrigándome así, a ter conmigo sempre un apéndice que se chama cámara e que se dispara irremediablemente todos os días da miña vida.

As protagonistas das imaxes que vedes son sempre cousas pequenas.

Con moita facilidade impresionámonos ante a grandeza do noso entorno e procurámolo máis aló do que nos é habitual. E iso, coido eu, é natural e humán. Pero soemos esquecer, a importancia das cousas cativas que nos fan a vida máis doada e porque non, moito máis bonita.

Son básicamente fotografías en Branco e Negro, por una sinxela razón de gusto persoal e de fidelidade aos meus comezos alá polo ano 90 cando da man de Camilo Lorenzana que é un fotógrafo chantadino, me iniciaba no mundo da fotografía cun cursiño de revelado en carrete e papel nun centro de xuventude.

Saberíame moi ben pagada se hoxe estas fotos transmítenvos algún sentimento, se vos comunican alguna mensaxe e se finalmente, son quen de facer que non pasen desapercibidas e merezan uns minutos da vosa atención.

Grazas por estar aquí e que desfrutedes tanto como eu o fixen no momento de concebir, plasmar e ver colgadas todas e cada unha das fotos que hoxe vos presentamos neste escenario tan especialmente fermoso que é o Auditorio de Rianxo.

Marga Piñeiro Díaz

E unhas cantas fotiños do que alí podemos ollar:

Image

Image

Image

Image

-Pequeno video feito pola propia autora do proceso de montaxe da expo:

Se ainda non vos pasástedes, aconsellamovos que o fagades. É un pracer poder ollar o traballo desta fotógrafa en papel.

Advertisements

2 Respostas to ““DE MINIMIS”, no auditorio de Rianxo.”

  1. m 04/16/2013 ás 20:36 #

    Moitas grazas, estou encantada de poder expor no Auditorio!!!

Trackbacks/Pingbacks

  1. Fotografías da exposición De ninimís en Rianxo - Educación, Cultura e Normalización Lingüística - Concello de Rianxo - 04/17/2013

    […] Entrada con información da exposición […]

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: