Lanzamento de alpacas, esquí montuno e outros deportes olímpicos en San Pedro de Vilas

28 Xuñ

romariasanpedroxeral

Un ano máis, hai que felicitar a Comisión de Festas de San Pedro de Vilas polo estupendo traballo que fan. É unha celebración nun marco incomparable, pero que moitos rianxeiros aínda non coñecen pola propia localización do lugar, pero que paga a pena visitar e vivir, porque hai un ambiente inmellorable. Ademais, a organización gastou máis de 2.000 euros en actuacións musicais, o que amosa o traballo e o esforzo realizado.

A cousa pintaba mal para a celebración, xa que a noite do venres ao sábado caían xerras de auga. E para o sábado non pintaba demasiado ben a cousa. Por fortuna, o tempo portouse e o sábado fixo un día inmellorable. Houbo nubes, si, pero o único que provocaron foi algo de sombra e pouco máis.

Non pensaba que ía facer bo nin o polveiro, que se comprometera a levar unha carpa grande para que a xente se puidera resgardar. Lonxe diso, levou unha normal para os que quixeran comer porque “total, pouca xente iría”. Equivocouse. Como tamén os prognósticos meteorolóxicos e foron moitos, tanto de Asados como do resto de parroquias de Rianxo os que se deixaron caer pola festa. A maioría chegou en coche, outros foron a pé, pero tamén houbo quen tirou de tractor, de matraquillo ou incluso de cabalo.

romariasanpedro_tractor

A romaría de San Pedro de Vilas é desas celebracións antigas, nas que botas todo o día na festa, dende a mañá ata que o corpo aguante. Porque se trata precisamente de festexar. Por iso, foron moitos os que se quedaron a comer, levando comida da casa ou ben aproveitando que había polbo e churrasco.

romariasanpedro_comida1 romariasanpedro_comida2 romariasanpedro_comida3

Máis dun botou a sesta debaixo dos piñeiros, mentres outros pasaban a sobremesa xogando á brisca e ao tute. Pola súa banda, os pequerrechos desfrutaban dos hinchables.

romariasanpedro_hinchables

E tamén había cativos que querían darlle a benvida ao verán xogando a mollarse con pistolas de auga. Non sei se por envexa ou polas bebidas espirituosas, pero os maiores tamén quixeron unirse ao xogos.

romariasanpedro_xogos1 romariasanpedro_xogos2 romariasanpedro_xogos3

Pero o corpo pedía máis. Así que algún xa se aventurou a inventar un novo deporte de verán: o esquí montuno. E abofé que maneiras e estilo non lle faltaban:

esqui1 esqui2 esqui3

Faltaba un dos pratos fortes da xornada: o lanzamento de alpaca. Había moita expectación e moitas ganas. E a verdade é que houbo emoción ata o final. De feito, comezou abrindo o concurso o subcampión (e a persoa que máis veces lanzou a alpaca, todo hai que dicilo).

primeiro

Pero detrás del foron moitos outros:

alpacas (1) alpacas (2) alpacas (3) alpacas (4) alpacas (5) alpacas (6) alpacas (7)

Ata se animou Óscar, que aproveitou a xornada festiva para bautizar alí ao seu fillo:

oscar

Non obstante, había piques e gañas de ser o campión nesa modalidade agro-deportiva:

alpacas (8) alpacas (9) alpacas (10) alpacas (11) alpacas (12) alpacas (13)

As féminas tamén se sumaron á competición:

alpacasmulleres (1) alpacasmulleres (2) alpacasmulleres (3) alpacasmulleres (4) alpacasmulleres (5) alpacasmulleres (6)

Pero o masterchampionoftheuniverse foi Breogán. Non foi dos primeiros en tirar, pero si puxo o listón moi alto na súa primeira marca. E cando o superaron, volveu batir sen maior problema os seus rivais:

breogan

Advertisements

2 Respostas to “Lanzamento de alpacas, esquí montuno e outros deportes olímpicos en San Pedro de Vilas”

  1. Helena Villar Janeiro 06/28/2014 ás 21:05 #

    Éche ben interesante esta información. Parabéns á veciñanza e grazas por a compartir.

  2. xavier 07/01/2014 ás 20:18 #

    E fantastico ver como as romerias collen mais auxe cada ano.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: