A pesar das previsións de chuvia para este venres en Rianxo, na praza de Castelao o único que choveron foron litros e litros de alcol. Nada máis entrar no Campo xa chegaba o olor a viño tinto. As peñas ían inundando o lugar, con ganas de dar comezo a unha das festas máis importantes de Galicia. É o caso de Perdoa… estaba borracho, que cada ano nos sorprenden e diverten coa súa idumentaria e posta en escea.
Outro elemento que abundaba na praza eran as pistolas de auga. Agás que en lugar de auga ían cargadas con viño.
Uns minutos antes da hora máxica, ás 00.00h da noite, no balcón do Concello aparecía Gafas e sinalaba á outra punta da praza. Arriba dun edificio, alí onde chegaba unha corda, estaba Pallaso.
Despois de facer ademán de saltar, lanzaron un boneco Pallaso para que chegase ao Concello. 
O malo foi que non pasou do medio do Campo. Pallaso non deu chegado ao Concello, como estaba previsto, e sobrevoaba as cabezas das peñas: 
Pero como a maxia existe e en Gafas e Pallaso todo é posible, apareceu de súpeto no balcón da casa consistorial para darlle a benvida á Guadalupe: 
Os dous protagonistas da webserie galega máis irreverente cantaron e foron nomeando unha a unha a todas as juadalupeñas: 
A partir de aí desatouse a tolemia colectiva en Rianxo. Aquilo semellaba a festa da auga, só que con máis graos etílicos polo medio:
Polo chan da praza corrían (de forma literal) regos de Don Simón:
Había quen traía tamén pequenas sulfatadoras: 
E incluso bidóns grandes de auga para mollar máis a conciencia:
Os carriños do supermercado eran un medio de transporte máis:
A xente bailando e dándoo todo diante dos DJs: 
Mesmos houbo quen levou unha corda e aproveitou para volver á infancia e saltar: 
Fotos de Rianxo 
Unha resposta a “Fotos da Guadalupe 2015: o chupitaso”