O último día das festas da Guadalupe comezaba co festival de música Rianxo on Fire, que tivo lugar ao lado da praza da Manuela. Moi preto, centos de pais acompañaban aos máis cativos nas atraccións, mentres miles de persoas tomaban algo nas terrazas ou bailaban na praza de Castelao.
Todo o mundo coincidiu en que este ano houbo menos coches. Á medianoite non había ningunha cola para entrar en Rianxo, e as prazas de aparcamento non se completaron. Iso si, de novo o praza de Castelao encheuse para cantar a Rianxeira, como se pode ver nas seguintes fotos. 
Ás 2 da mañá apagáronse as luces e algúns, antes incluso de que as orquestras comezaran a cantar xa acendían as bengalas. 
O punto de saída dérona dende o palco da orquestra Aché. 
Seguiron os da orquestra Gran Parada: 
E, como fin de festa, fogos artificiais na ribeira: 
O Xixí volveu pedir sentidiño para os que estaban de festa e ían beber, pero tamén apoio e axuda para continuar coas festas, que supón un grande esforzo económico entre todos os veciños. Ademais, adiantou que o próximo será o último ano que estará á fronte da Comisión de Festas. Hai que ter en conta que ten 78 anos e que os anos van pesando.
Iso si, hai quen se pregunta que será das festas da Guadalupe sen o Xixí na comisión, porque son moitos anos de experiencia e de dedicación. Dende logo quen se faga cargo partirá cun listón moi alto.
E agora imos vendo como foi a noite. Aquí tedes unha foto ás 3.25 horas da madruga: 
Na Ribeira continuaban tocando grupos no Rianxo on Fire: 
A Aché, tocando ás 4.40 horas: 
E aquí o grupo Samba ás 5.35 horas: 
E aquí outra perspectiva, minutos antes das 6: 
Preto das 6.30 fomos tomar o chocolate con churros. Iso si, dicir que estivemos dando voltas. No Braisa estaban a tope a iso das 6 e na Fábrica de Doces xa non tiñan, porque nos comentaban que a xente o comezou a tomar moi cedo e quedaron sen el. Finalmente, no Braisa quedou unha mesa libre e puidemos tomar algo quentiño e moi rico: 
De novo na praza, ás 7 da mañá coa Gran Parada dándoo todo:
A xente estaba a pasalo moi ben, a pesar das horas que o corpo levaba enriba: 
Algúns incluso tiñan bengalas sen acender e calquera momento era bo para gastalas: 
E aquí ás 8 da mañá: 
Durante toda a noite, un grupo de oito gardas civís estiveron vixiando e velando pola seguridade das festas. Aquí un momento no que apartaron de entre a muchedumbre a un mozo nun presunto altercado. Fóra diso, a verdade é que vimos que a noite foi moi tranquila: 
O que si, aínda que houbera menos xente ca outros anos, como se pode ver no fondo da foto, o lixo non faltou na praza.
Foi curioso ver como a pesar de que había varios contedores grandes, ningún deles estaba cheo, mentres no campo había centos de bolsas con botellas de plástico e vidro xunto con latas e cubiños de xelo. Ademais, algúns mozos bébedos mexaban nas portas das casas, polo que é normal que moitos veciños estean en contra do que pasa esta última xornada, na que o Campo se converte nun enorme botellómetro polo que ás veces é complicado transitar e co perigo que ás veces supón o vidro roto.
Por certo, que aínda que eu particularmente non notei diferenza no lixo con respecto a outros anos, polo que puiden saber si a houbo. Nesta xornada os servizos de limpeza de Rianxo recolleron 17 contedores de residuos. A marca está en 25 e, a maiores, nun camión de desperdicios.
Por certo, que a festa rematou ás 8.40 horas. Aquí os últimos minutos antes de o telón pechara ata o próximo ano: 
Algún acabou tan canso que en lugar de zapatillas semellaba que levaba zapatos de tacón e decidiu ir descalzo ata a casa 🙂
Fotos de Rianxo 
Unha resposta a “Fotos das Festas da Guadalupe de Rianxo 2016: o último día”