Esta fin de semana retomei o hábito de andar en bici, así que subín ata o Castro Barbudo (Taragoña) e dende alí saquei unha panorámica do concello. Pode verse Taragoña, Rianxo, Asados e O Araño. Pincha na imaxe para vela en grande.
¿Poderei entrevistar aos tres candidatos á alcaldía de Rianxo?
21 AbrPois de momento estouno a conseguir e dous dos tres candidatos xa deixaron que os entrevistase con preguntas feitas por lectores deste blog:
Quero agradecerlles a ambos os dous candidatos o seu tempo e a súa amabilidade á hora de recibirme e de responder ás miñas preguntas. É un exercicio de democracia atender aínda que sexa a un blogueiro, e fixérono.
Iso si, dende o PSOE de momento non tiven resposta…
Cruceiro de Brión
1 AbrSen dúbida é o máis estraño cruceiro de todos cantos teño visto en Rianxo. O pé é dun cruceiro, pero a figura non é a típica. Non hai ningunha figura cristiá, nin virxes, nin santos nin Xesucristo na cruz. Só unha figura que lembra a certos pobos antigos, pero que non sabemos de cando pode datar.
Alan Golias
16 MarVelaquí vos deixo unhas fotos do mago rianxeiro Alan Golias. Un rapaz moi novo, pero cun gran talento e que non deixa de sorprender nos seus espectáculos.
Cruceiro de Rianxiño
1 MarEste é un cruceiro que podemos atopar en Rianxiño, bastante modermo visto o detalle das figuras, e que destaca sobre todo porque a Virxe estaba pintada, algo pouco habitual nos cruceiros.
O cruceiro da Laxe Pequena
2 FebEn Taragoña, no lugar da Laxe, temos este fermoso cruceiro, seguramente o máis bonito e completo de todos os que podemos atopar no concello de Rianxo. Non só destaca a forma da capela, senón tamén os motivos representados nos laterais: Santiago Matamouros, San Francisco e Xesucristo camiño do Monte Calvario. Polo que se comenta, debe ser do século XVI.
O cruceiro pegado á fachada, no xornal De luns a venres
17 Xan
A coordinadora do xornal De luns a venres é amiga miña. Falando un día con ela de imaxes curiosas, decidín enviarlle estas fotografías que xa puxen neste blog noutra ocasión. O caso é que hoxe as publicou no xornal. Iso si, por se alguén entendo que eu dixen que as vivendas son recén construídas, en ningún momento comentei nada. Simplemente enviei as fotos.
A matanza do porco
17 XanSubo aquí este documento para que se vexa como é unha matanza, non tan tradicional, pero si como se realiza hoxe en día nunha casa. As imaxes poden ferir a sensilidade, así que se non es maior de idade ou cres que che poden afectar, por favor, non entres.
Anegamento do río Te
10 XanCon todo o que choveu esta pasada semana, o río Te desbordouse nalgunhas zonas. Eu non vivín directamente o anegamento, porque pola semana estou na Coruña, pero o sábado puiden ver que o río aínda ía ben cheo. Aquí vos deixo unhas imaxes do seu paso polo Batán (O Araño).
Aínda que non o creades, este é un camiño usado para acceder ás leiras que se convertiu nun regueiro:
A tromba da auga era tan forte que mesmo levou unha das pontes de madeira do paseo do río Te. Agora a pregunta é se o arranxarán en breve ou quedará así durante meses:
Velaquí a miña veciña Sara cun sacho intentando que a balsa de auga dunha das súas leiras baixe:
E nesta leira podedes ver por onde foi o río:
Estación rupestre As Barras
7 XanNo Alto do Pilotiño, a parte superior do monte de Asados, podemos atopar a estación rupestre das Barras. Teño que dicir que está moi ben sinalizada, así que é de recoñecer a labor que se fixo neste lugar. Accesible e ben documentado para o visitante.
Fotos de Rianxo 