Un coñecido meu (de seguro que algúns coñecedes a Bastos), xunto con outros mozos de Asados e dos arredores colleron a comisión da romaría do San Pedro. Veñen de crear unha páxina no facebook, que busca converterse na súa principal fonte de información dos eventos que van ir realizando ao longo do ano, ata chegar ó propio día da romaría. Así que se vos animades, podedes engadilos como amigos ou ben pasar o próximo 29 de xuño e desfrutar do día de San Pedro 😉
Antes de nada, agradecerlle as fotos a Xoán Antón Castro, que sempre nos cede xenerosamente as súas imaxes para o blog.
A responsable e voceira do PPdeG en Rianxo, Vanessa Martínez Durán, fainos unha pequena valoración dos resultados destas eleccións autonómicas:
“O resultado foi satisfactorio tanto en Rianxo como en Galicia, onde conseguimos gañar en case tódolos Concellos a pesar da baixa participación.
A xente en Rianxo respostou nas urnas da mesma forma que respostou nos diversos actos que tivemos durante a campaña electoral e, por primeira vez, no noso concello, gañamos con claridade en tódalas mesas electorais. Incluso logramos subir a porcentaxe de votos. Polo tanto, estamos contentos cos resultados acadados, pero aínda nos queda moito traballo por diante”.
Como se pode ver na gráfica, o primeiro que destaca dos resultados en Rianxo é que baixou moito a participación. Baixou en toda Galicia, é certo, pero en Rianxo houbo un 11,3% menos de votos que nas anteriores autonómicas.
Por outra banda, todos os partidos de referencia baixaron os votos (porque tamén houbo menos participación), aínda que o PP aumentou en case dous puntos a súa porcentaxe de votos (do 39,67% ao 41,4%).
O PSdeG baixou case un 13% a porcentaxe de votos, do 33,38% ao 20,5%. Tamén baixou moito a porcentaxe do BNG (do 23,25% ao 16,45%), aínda que seguramente neste caso houbo votantes tradicionais deste partido que votaron por AGE, encabezado por Xosé Manuel Beiras. Este último foi a gran sorprensa a nivel galego tamén, e en Rianxo tivo un 15,31% dos sufraxios.
Como curiosidade, comentar que se manteñen os 3 votos que tradicionalmente ten a Falange das JONS no noso concello. Iso si, sorpréndeme que Unión Coruñesa, o partido “Por La Coruña” tivo un voto. Vamos, que se trata dun partido moi local e choca que tivo votantes en Rianxo.
Quero dar as grazas a Eduardo Moares, da xunta directiva da Asociación de Veciños do Araño por pasarme estas fotos da inauguración do Centro Social da parroquia.
Aínda que non é sinxelo de atopar, indo en bicicleta dei con este petróglifo da Foxa Vella. Está preto da autovía, do lado de Leiro. O acceso está limpo, pero non sinalizado.
Colgo aquí unhas fotos que fixo Xoán Antón Castro na praia de Tanxil de Rianxo.
Os que practican Kitesurf son un grupo de compañeiros unidos pola súa paixón por ese deporte. En concreto están Felipe Rey, Carlos Castaño e Iago Castaño de Catoira, Javi Castrelo de Bamio, Adrián Piñeiro do noso concello e tamén Lino Hermida, Antonio Meaños e Toño Torrado de Vilagarcía de Arousa.
Como comenta Iago, para practicar kitesurf precisan “que a velocidade do vento sexa como mínimo sobre 12 nudos, a partir de aí a cometa xa nos arrastra por enriba da auga e podemos comezar a navegar”. Explica tamén que “sempre observamos a dirección do vento porque este debe de ir paralelo aá praia ou contra a praia”. Dese xeito, se lles pasa calquera cousa o vento levaráios cara a praia.
Ademais da praia de Tanxil tamén adoitan frecuentar outras da zona, como a de Vilar en Ribeira, Praia Xardín en Boiro, a Praia de Bamio, as Inas en Vilanova e a Illa de Arousa, dependendo tamén da dirección que teña o vento no día.
Podedes ver todas as fotos no facebook do grupo de Teatro Airiños, de onde saquei esta imaxe. O premio, entregado en Valladolid, recoñece a traxectoria de 80 grupo deste grupo de Asados.
Fotos de Rianxo 