Onte pola noite poidemos asistir á estrea de, “Celtas sen Filtro”. Trátase dunha obra de Méndez Ferrín representada por Teatro Airiños baixo a dirección de Esther F. Carrodeguas. Terá dúas representacións no Auditorio de Rianxo, unha foi venres 14 e outra será o venres 21 de novembro.
Esta fin de semana pasada estrearon os de Airiños o seu Cabaré dos 80…Anos de Airiños, cun cheo total no Auditorio os dous días e, como non, tamén no día da preestrea.
Fotos de Rianxo estivo alí ese primeiro íia, o da preestrea, para acadar esas tan ansiadas fotografías do grupo de teatro en activo máis antigo de Galiza. Desfrutamos moitísimo desdes 90 minutos cheos de humor, baile, posta en escea…
O sábado 18 de maio tivo lugar no auditorio de Rianxo o II MACRO-RECITAL “ao son das letras vivas”, 50 rapsodas – 50 escritor@s (galeg@s e viv@s).
O Cadro Artístico Airiños en colaboración con slam.arousa e a Concellería de Cultura de Rianxo, con motivo da celebración do Día das Letras Galegas organizou este II Macro-recital para o cal se pretendía xuntar a 50 persoas que quixesenn subir a recitar/ler durante un minuto, os textos dalgún autor/a viv@ galeg@.
O evento foi moi entretido, e a poesía e prosa ían acompañadas nalgúns fragmentos por diversos instrumentos, dende a guitarra acústica, a guitarra eléctrica, o acordeón…, e mesmo dunha zanfoña. Polo escenario pasaron tanto persoeiros da política local de Rianxo, nenos e nenas, integrantes de Airiños e xentes vidas doutros lugares de Galicia. Todo istoo adobado pola agradable presentación da directora de Airiños, Esther Carrodeguas.
Agardaremos un ano máis para poder desfrutar de eventos coma este e que o público sexa cada vez máis numeroso, pois onte no auditorio, a verdade, é que collía un bo fato de xente máis. “Aínda que, claro, o evento coincidiu con Eurovisión”…, jejeje
Esta fin de semana, o concello de Rianxo organizou, promoveu e financiou unha representación teatral a cargo do grupo de teatro Airiños de Asados, con eles presentou nas seis parroquias do concello o espectáculo “Un mar de mulleres”.
O espectáculo veu cargado de explicacións para que os cativos e non tan cativos souberan de primeira man os traballos que acarrea o mar e todo o que da de si.
Aquí vos deixamos unhas fotos da función de hoxe no Centro Cultural Vicente Vidal de Leiro:
-Mariscando e presentando o espectáculo.
-As mariscadoras tamén vixian que os furtivos non lle rouben o marisco…
Bogando para ir mariscar dende o barco.
-Pescando
-Atando nas redes.
-Na lonxa coa poxa.
-Traballando na conserveira. “shin chan, cuiño cuiño”
-Coa patela indo a vender ás aldeas.
-Aprendéndolle a unha da aldea a levar a patela…
E por último e o mellor de todo, a hora de xantar o arrancado do mar.
Agardemos mais iniciativas coma ista que dende logo serán benvidas polos rianxeiros e rianxeiras.
Parabéns Airiños!!!
Hoxe xoves 21 de febreiro do 2013, o teatro Airiños de Asados tería que estar na cidade da cultura en Compostela recollendo o seu galardón outorgado pola laboura desenvolta polo grupo de teatro máis antigo de Galiza (en activo).
Mais, e en repulsa polo que está a acontecer no eido da cultura e en apoio aos traballadores das artes escénicas e musicais que estes mesmos días se manifestan alí mesmo polo parón que sofre o sector, non pasarán a recoller dito premio.
Velaquí a nota de prensa que deixan na sua páxina web:
Podedes ver todas as fotos no facebook do grupo de Teatro Airiños, de onde saquei esta imaxe. O premio, entregado en Valladolid, recoñece a traxectoria de 80 grupo deste grupo de Asados.
