Este pasado sábado 24 celebrouse a III Romería Popular no CEIP Ana María Diéguez de Asados. Xa dende as 10 da mañá as actividades para cativos e non tan cativos sucedéronse nas pistas deportivas do colexio.
Para a hora do xantar, e no recinto que está embaixo do colexio, habilitouse unha carpa na que un pulpeiro fixo ademais do polbo un rico churrasco e criollos.
Tamén se podían degustar saborosas empanadas e doces elaborados por un hostaleiro de alí mesmo de Asados.
Mais a carpa logo se quedou escasa para tanta xente como había na romería, e tiveron que sacar mesas e cadeiras do propio colexio para poder dar cabida os comensais.
Despois do xantar, e despois de repousar un chisco chegou a hora de coller a cámara e aquí vos mostramos o que foi dando de si a tarde.
Demostracións de baile moderno:
A banda da Escola de Música de Rianxo:
Así mesmo tamén se podían adquirir diversos obxetos nos postos arredor das pista cuberta, tales coma mel, coiro, ourive, filloas, cestería, pintar a cara…
Ó longo de todo o dia, e na parte superior das gradas tamén estaban instalados diversos xogos populares para que os pais poideran amosar ós cativos outras maneiras de pasalo tempo con divertidos xogos que realmente chamaban a atención ós asistentes.
Tamén, e nos pasillos interiores do colexio se poideron observar diferentes exposicións as cales ainda se poderán visitar ata o 2 de xuño en horario de tarde de luns a venres de 16:00 a 18:00 horas e os sábados e domingos de mañá de 12:00 a 14:00 horas.
Xa para rematar a xornada de lecer, tivo lugar unha foliada a cargo de gaiteiros e animación.
Queremos tamén deixar unha imaxe que atestigua claramente o boas que estaban as filloas, e das que a amiga Ramona Golías deu boa conta, que nos saibamos polo menos dunha… 😉
Fotos de Rianxo 
Deixar unha resposta