Este sábado 25 de xuño, ten lugar unha das romarías populares máis famosas de Rianxo: o San Pedro de Vilas. Ao mediodía haberá unha comida campestre que é un dos momentos máis bonitos da xornada. Pero xa, dende as 10 da mañá, comezarán as celebracións, con pasarrúas grazas a Río de Anxo.
Ás 12.30 dará inicio a misa cantada, e ás 13.00 horas a sesión vermú con Cé Orquestra Pantasma.
Despois de facer a dixestión, a iso das 18.00 horas, empezarán os xogos populares, coa tradicional competición de lanzamento de alpacas.
E antes incluso de que chegue a noite, comezarán as actuacións músicais, co prato forte de Caxade ás 20.00 horas. A continuación virán Delacruz Show, Familia Caamagno, Fillos do Estramonio e DJ Enxebre.
Fotos de Rianxo 
Deixar unha resposta