A pasada fin de semana celebrouse a Festa do Mexillón de Rianxo. O certo é que esta festa cambiou moito nos últimos anos e, mentres antes se facía pola tarde e estaba pensado para os turistas, agora colleu unha maior dimensión e dura toda a fin de semana, conta con moitas actividades e mesmo actuacións musicais. De todos os xeitos, foi unha lástima o tempo, porque o domingo debeu ser dos peores días do verán.
Eu paseime por alí o sábado ás 11 da noite e este era o ambiente.
Non sei se vos lembrades dalguén lema que estaba nas pegatinas de moitos coches rianxeiros que era “Rianxo, o paraíso existe”. Credes que igual sería bo intentar recuperalo ou de paraíso ten máis ben pouco?
Eu fixen unha imaxe con esa lema, para que non se diga 🙂
Segundo confirman dende a páxina de facebook da Comisión de Festas da Guadalupe de Rianxo, este ano nas festas haberá un día menos 😦
Comentaran hai tempo que ían intentar que continuasen os mesmos días, pero vese que finalmente os cartos non deron para tanto e supoño que o último venres dirá adeus. Isto é o que comentan eles:
“…finalmente non puido ser, xa que os gastos increméntanse e os cartos non dan para máis. En breve emitiremos un comunicado explicando a decisión. Pero que iso non vos afecte: a menos días, diversión máis concentrada!”.
Creo que unha das curiosidades que temos todos os veciños é saber canto gaña o alcalde do noso Concello. Pois ben, segundo vexo nunha información publicada en El Correo Gallego, Adolfo Muíños cobrará 41.000 euros brutos. Pola súa banda, o tenente de alcalde, Carlos Gey, gañará 36.900 euros brutos ao ano.
O certo é que non sei cando gañaba antes Pedro Piñeiro, polo que non sei se é o mesmo soldo, se o baixou ou se o subíu. Non obstante, na mesma nova de El Correo Gallego aparecen os soldos dos outros alcaldes do Barbanza:
Esta imaxe tomeina o ano pasado, pero é tan fermosa que non puiden evitar recuperala. Ao fondo vese o Bodión (Boiro), pero o que marca a imaxe é esa cor tan fermosa do solpor.
Esta fin de semana retomei o hábito de andar en bici, así que subín ata o Castro Barbudo (Taragoña) e dende alí saquei unha panorámica do concello. Pode verse Taragoña, Rianxo, Asados e O Araño. Pincha na imaxe para vela en grande.
Pois de momento estouno a conseguir e dous dos tres candidatos xa deixaron que os entrevistase con preguntas feitas por lectores deste blog:
Este é un cruceiro que podemos atopar en Rianxiño, bastante modermo visto o detalle das figuras, e que destaca sobre todo porque a Virxe estaba pintada, algo pouco habitual nos cruceiros.
A coordinadora do xornal De luns a venres é amiga miña. Falando un día con ela de imaxes curiosas, decidín enviarlle estas fotografías que xa puxen neste blog noutra ocasión. O caso é que hoxe as publicou no xornal. Iso si, por se alguén entendo que eu dixen que as vivendas son recén construídas, en ningún momento comentei nada. Simplemente enviei as fotos.
Antes de nada teño que dicir que estas imaxes son reais. Non hai nada de fotomontaxe. Está entre Fincheira e As Cortes, en pleno cruce que nos leva á praia de Tanxil de Rianxo.
A min particularmente é que me dá vergoña ver como se fan estas cousas sen que pase nada e como se todo fose perfectamente normal. Temos unha aberración urbanística diante dos nosos ollos, fronte a un cruceiro que seguramentente máis dun século de vida, e dende Urbanismo, dende Patrimonio ou dende o organismo pertinente non se fai nada, é máis, permítese que pasen estas cousas. Se é que máis gañán e paleto non se pode ser. De verdade custaba algo facer as cousas doutro xeito? Pois está visto que a penitencia da Virxe é esta, estar castigada de cara á parede.
