A Comisión de Festas da Guadalupe acaba de publicar en primicia o listado das orquestras que van actuar a través do seu Telegram (http://buff.ly/2aIEs5m).
De novo actúan as grandes orquestras locais, Abanico (un clásico o Día das Juadalupeñas) e a Gran Parada (para o día das bengalas).
Pero non vai faltar a orquestra de moda, o Combo Dominicano, nin outras grandes como Aché ou os Satélites.
Rianxo convértese estes días no epicentro mundial da zanfona grazas ao festival internacional Zona da Zanfona, organizado por aCentral Folque. Van xa 12 edicións deste evento centrado neste particular instrumento chamado zanfona, onde hai cursos, bailes, animación na rúa, encontros con músicos e concertos.
Hoxe, venres 29 xullo, na praza Rafael Dieste actuarán Os Cempés ás 21.30h. Mañá sábado, á mesma hora e no mesmo lugar, actúan
Anxo Pintos e Obal. E o domingo, ás 12 do mediodía, tamén na praza de Rafael Dieste, haberá unha xuntanza de escolas de zanfona de Galicia.
Onte tivo lugar a procesión da Virxe do Carme, patroa dos mariñeiros e, polo tanto, alguén á quen en Rianxo se rende respecto por toda a xente que traballa no mar. Non puidemos estar no acto, pero recollemos imaxes de Antena 3 Noticias en Galicia.
O próximo domingo, 24 de xullo, terá lugar no noso concello a I Feira á Beira do Mar que terá lugar xunto ao Náutico. Comezará cunha andaina duns 10 quilómetros polo “Rianxo descoñecido”, que incluirá guía. Para apuntarse á camiñata e preciso apuntarse no correo grecia_81@hotmail.com ou chamar ao teléfono 647.650.787.
Durante esta tarde a policía municipal de Rianxo acordoou parte da praza da Guadalupe. O motivo foi un exame de abellas.
Nun primeiro momento pensamos que podían ser avespas asiáticas, pero xa nolo desmentiron dende o Concello, polo que pedimos desculpas polo erro.
Ao pouco, chegou un apicultor, protexido totalmente cun traxe. Colleu algunhas abellas, coa raíña, e pouco a pouco o resto fóronse introducindo. Dese xeito xa se evita todo perigo na zona. A actuación, como vino, foi moi rápida.
Hoxe recollemos o que foron as creacións florais feitas polos veciños de Rianxo durante o domindo de Corpus. Moito colorido e moito traballo para estas efémeras obras de arte. Repasamos por zonas o que deron de si as alfombras.
Este pasado sábado, 28 de maio, tivo lugar o XI Serán de Rianxo, organizado pola asociación Vai de Roda. Hai que dicir que tiveron un mérito enorme, xa que ao mal tempo lle houbo que sumar que ese día foi a final da Champions. Non era fácil competir contra ese evento deportivo, pero xa vedes que houbo resposta e que a xente foi ata o Campo de Arriba a cantar, bailar e divertirse.
Na rúa do Medio xa dende primeira hora da tarde comezaron a traballar na elaboración das alfombras florais para celebrar o Corpus. Os preparativos iniciáronse moitas semanas antes, xa que xuntar todo o material e preparar algo así leva moito tempo, algo que a maioría non coñecemos.
Esta fin de semana celebrouse en Rianxo a procesión de Santa Rita, patroa dos imposibles. Había orquestra o sábado pola noite, pero o mal tempo non permitiu desfrutar dela, e pola chuvia houbo que suspender a actuación. Iso si, onte fixo un tempo perfecto para desfrutar da procesión, da cal vos deixamos algunhas imaxes.
Onte, o CEIP Alfonso Daniel Rodríguez Castelao de Rianxo recibiu o Premio do Concurso-Exposición Letras Galegas 2016 na modalidade de Infantil e Primaria. É a terceira vez que o gaña, xa que se fixo co galardón tamén no 2012 e noutra edición anterior.
Fotos de Rianxo 