Na praza de Rañó, na parroquia de Leiro, podemos atopar este cruceiro.
Tag Archives: Leiro
Cruceiro en Abuín
1 DecNo lugar de Abuín, na parroquia de Leiro, podemos atopar un cruceiro do que só quedan os restos. Unicamente queda o torso e o mentón do que semellou ser un Cristo crucificado. Unha mágoa que o noso patrimonio sufra así.
Lavadoiro e fonte de Rañó
1 NovEn Leiro, e máis en concreto no lugar de Rañó, podemos atopar este fermoso lavadoiro e unha fonte que foi reconstruída polos veciños no ano 1949.
Cruceiro en Leiro, fronte á antiga casa reitoral
1 SetXusto na entrada do que era a antiga casa reitoral de Leiro, podemos atopar este cruceiro.
A antiga casa rectoral de Leiro
6 AgoEsta entrada vai para o meu amigo Mario, que foi o que me levou a descubrir a antiga casa rectoral de Leiro. Como podedes ver, está totalmente abandonada e feita un cristo (nunca mellor dito). Dentro estaba o antigo cinema da parroquia, como o demostra o carteliño de “Prohibido Fumar”. E nos arredores pode atoparse unha antiga cociña, os cortellos e un enorme hórreo (supoño que se enchía no seu día grazas á inestimable axuda dos veciños) que está a ser devorado polas hedras.
A igrexa parroquial de Santa María de Leiro
1 AgoVelaquí varias fotos do exterior da igrexa da parroquia de Leiro.
Campo de concentración? Non, unha casa particular
5 XanNon sei se poñer un cercado electrificado enriba do muro dunha propiedade é legal ou non, pero para min é cando menos chocante. Isto pode verse nunha finca particular en Leiro, preto de Abuín e a min de boas a primeiras recordoume a unha prisón ou un campo de concentración.
Petróglifos Os Mouchos
5 XulHoxe vou colgar distintas fotos dos petróglifos dos Mouchos, que se atopan en Leiro, pretiño da praia das Cunchas.
Iso si, de novo dende este blog imos darlle un tirón de orellas ao Concello porque a sinalización para dar con este petróglifos é simplemente PÉSIMA. Só hai un cartel na estrada xeral que une Rianxo con Catoira, pasando por Leiro e Isorna. Despois, alá atopes os petróglifos, como acontece con outro tipo de restos deste tipo. Vamos, que atopas un veciño do lugar que coñeza ben o sitio ou ben te podes convertir en Indiana Jones na busca do petróglifo perdido.
Mirade que corredoira hai que coller para dar con eles:
E se tes sorte e das con esta corredoira, despois tes que esquivar ou sufrir toxos e alá arriba atoparás os petróglifos.
Unha árbore? Non
21 XuñParece de lonxe unha árbore, verdade? Pero en realidade trátase do hórreo da casa reitorial de Leiro, que está totalmente abandonado e comido polas hedras.
Fotos de Rianxo 