Tag Archives: os mouchos

Grave atentado ó patrimonio rianxeiro

25 Ago

_MG_4373

Pasaba das nove da noite cando Juan Carlos Collazo, gran coñecedor no patrominio rupestre rianxeiro, nos alerta de que os petróglifos dos Mouchos foran salvaxemente danados. Unha obra con miles de anos de antigüidade, de gran valor cultural, histórico e artístico, foi estragada só co obxectivo de facer mal.

Rapidamente decidimos achegarnos ata alí, e o panorama é totalmente desolador. Como podedes apreciar nas fotografías, as dúas laxes de abaixo foron debuxadas con pintura branca, o cal ten difícil solución, pois non se poderán usar líquidos que laven a pintura sen estragar os gravados.

_MG_4376 _MG_4377

Juan Carlos Collazo, Xusto Xosé Ordóñez (concelleiro de Deportes e Patrimonio do Concello) e eu mesmo non podíamos dar crédito ao que pasara. Estabamos ante unha das estacións petroglíficas máis importantes  de toda Europa polo gravados que conteñen, si, en Rianxo. E en lugar de apreciar o valor que ten isto, hai vándalos que se adican a atentar contra un xacemento dese tipo.

En situ, procedeuse a informar do suceso a Patrimonio. Ademais, ó longo de hoxe pola mañá procederase a informar tamén ó Seprona para cursar a denuncia correspondente.

_MG_4379 _MG_4382 _MG_4383

A verdade, é que non podemos atopar unha resposta nin unha razón ante semellante atentado contra o legado patrimonial de todas e todos nós. Agardemos que pronto se poida saber a autoría de tales feitos e que polo ben da historia esto teña unha solución que nestes intres, polo menos ó meu ver, ten difíil solución.

O dito, un día triste o de onte para os rianxeiros. Non deixas de preguntarte por que alguén faría iso. E, sobre todo, se ao final ten sentido dar a coñecer onde está os petróglifos e as mámoas de Rianxo, xa que se ao final o resultado vai ser este, é mellor que sigan escondidas. Alomenos aseguramos que sigan intactas uns anos máis e non que persoas deste tipo estraguen unha parte tan importante da nosa historia.

Advertisements

Moncho Ces, investigador de petróglifos en Rianxo

26 Abr

De novo, os rapaces do Félix Muriel realizaron un interesante documento: unha entrevista a Moncho Ces, dos primeiros rianxeiros en comezar a investigar sobre os petróglifos en Rianxo, ata o punto de qeu foi o descubrir dos Mouchos, en Leiro.

Como nos contou o seu fillo, Carlos Ces, “estaba aquela tempada rastrexando o monte entre Rianxiño e Brión porque hai aí unha liña importante de gravados. E un día deu con eles, que eran difíciles de ver pola terra e vexetación que os cubría”. O caso é un día Carlos acompañou o seu pai. Tiña daquela 16 anos Carlos, cando o seu pai lle “pediu que o axudase a turrar dunhas xestas para seguir unha liña grosa que ao principio pensamos que era da pedra. Ata que, sorpresa, apareceu o gran cervo da pedra nº1, ese de case 1 metro de altura. Imaxina o gozo de tal descubrimento!”

A información sobre estes petróglifos foi recompilada no traballo “Un complexo de gravados rupestres en Rianxo”, da revista Brigantium (volume 8, anos 1993/94), elaborador por Xoán Andrés Fernández Castro, Pedro Piñeiro Hermida e Ramón Ces Castaño.

Guía para a visita aos petróglifos dos Mouchos

16 Dec

Hoxe quero poñer outro interesante documento do Centro Arqueolóxico do Barbanza, unha guía explicativa para a visita aos petróglifos dos Mouchos, preto da praia de Cunchas. Como comentan Juan Carlos Collazo, “a dos Mouchos é a escena de caza e de monta (equitación)  máis espectacular de toda Europa”.

docGuía para a visita aos Mouchos

Artigo deste blog con fotos dos petróglifos.

mouchos

Petróglifos Os Mouchos

5 Xul

Hoxe vou colgar distintas fotos dos petróglifos dos Mouchos, que se atopan en Leiro, pretiño da praia das Cunchas.

Iso si, de novo dende este blog imos darlle un tirón de orellas ao Concello porque a sinalización para dar con este petróglifos é simplemente PÉSIMA. Só hai un cartel na estrada xeral que une Rianxo con Catoira, pasando por Leiro e Isorna. Despois, alá atopes os petróglifos, como acontece con outro tipo de restos deste tipo. Vamos, que atopas un veciño do lugar que coñeza ben o sitio ou ben te podes convertir en Indiana Jones na busca do petróglifo perdido.

Mirade que corredoira hai que coller para dar con eles:

E se tes sorte e das con esta corredoira, despois tes que esquivar ou sufrir toxos e alá arriba atoparás os petróglifos.