As tardes calorosas vólvense coloradas cando saben que chega a noite, porque nesas horas todo pode pasar.
Tag Archives: Rianxo
A praia do Porrón
13 Mai
Aínda que é moito máis coñecida e bonita a praia que ten ao seu carón, a das Cunchas, trátase dunha praia bastante descoñecida para moita xente. É un areal inmenso, no que nunca fai faltar espazo para poñer a toalla e que está nun lugar resgardado se se teñen nenos.
Nubes sobre o monte
6 AbrHoxe cólgovos aquí unha imaxe impresionante do monte do Araño. Ao fondo, sobre o Pico Muralla, vense unhas nubes preciosas que lle dan ao ceo un toque máxico.
A praia de Tanxil
17 MarParece que o bo tempo vai animando á xente á ir á praia. Esta fin de semana a praia de Tanxil, en Rianxo, xa foi collendo vida.
Dous gatos mariñeiros
17 MarVelaquí vos deixo unha foto que saquei na desembocadura do río da Grenla, entre Rianxo e Leiro. O título do post non podía ser máis axeitado 😀
O pazo dos Baltar
16 MarO pazo de Baltar está situado nun dos mellores lugares de Rianxo: fronte ao mar e xusto enriba da praia de Tanxil. De feito, se paseades pola praia, isto é o que veredes.
Como vedes, ten unha frondosa vexetación. O certo é que a día de hoxe é un lugar abandonado, xa que a familia Baltar non vive no lugar, senón que vén de ramos en pascoas.
O certo é que se trata de un casería imponente que leva anos en Rianxo e que pertence a este rica familia que, polo que sei, viven en Santiago. Polo que oín por aí, seica o cabeza de familia era médico e de aí lle viñan os cartos.
Cólgovos tamén unha foto da entrada da casa. Dicirvos que no seu día a xente viña sacar aquí as fotos da súa voda, porque a cousa lucía.
A praza da Igrexa ou praza de Rafael Dieste
27 FebXusto no casco antigo de Rianxo podemos unha pequena praza á que todos os rianxeiros chamamos a praza da Igrexa (se se pode buscar algo sinxelo, para que complicarse a vida, non?), aínda que dende o Concello está bautizada como praza de Rafael Dieste. Forma un bonito conxunto coa igrexa de Santa Columba, o cruceiro e o pazo de Martelo, que ata hai ben pouco era a biblioteca municipal.
Nas fins de semana de verán, cando fai bo tempo, a xente adoita ir á terraza que hai na praza polas mañás e ver como se casa a xente na igrexa. Ata o lugar chegan os coches coas mozas a piques de casar e suben polas bonitas escaleiras do santuario.
Igrexa de Rianxo Santa Columba
O pazo de Martelo
Fotos das festas da Guadalupe de Rianxo 2007 e 2008
21 FebVelaquí vos deixo varias fotos dunha das festas con máis marcha de Galicia, as da Guadalupe de Rianxo. Pincha sobre elas para velas máis grandes. Graciñas Moinante!
Fotos de Rianxo 
