Archive by Author

Que facemos ante un maltrato deste tipo?

29 Abr

Se alguén vai ata o Pico Muralla ou se pasea polos montes do Araño, atopará con facilidade a un grupo máis ca numeroso de cabalos preto da estrada, das casas ou no medio dos toxos con estas trancas nas patas coas que se poden desprazar moi dificilmente.

Despois de subir estas fotos ao flickr, alguén recomendoume que denunciase. Fïxeno e chamáronme da Garda Civil de Noia, preguntándome se coñecía aos donos, cousa da que non teño nin idea. Explicáronme que tiñan fichados a moitos destes cabalos, pero deberían de saber quen son os propietarios para proceder.

Doutra banda, o outro día escoitei que colleron a un grupo de cabalos preto de Traba, unha parroquia do Araño. Non estaban identificados polo que os colleron. Sabedes cal vai ser o seu futuro? Polo que me contaron vanos sacrificar.

De que serve denunciar se o futuro que lles espera é o matadoiro? É mellor que os maten ou que anden así? E pensar que os únicos culpables son os donos…

Etiquetas: , , ,

Campelo dende as alturas

12 Abr

Subindo ao Pico Muralla, con Campelo abaixo.

Etiquetas: , , ,

O Pazo dos Calotes do Araño

12 Feb

É un dos emblemas arquitectónicas da parroquia do Araño, e ata hai ben pouco daba pena ver esta inmensa edificación cuberta polas hedras e practicamente derrubada. Dende hai moitos meses está a sufrir un lavado de cara para adicar o espazo (tanto o pazo coma a capela que ten ao lado) a temas de turismo e restauración. E aínda que o resultado desta reforma non é tan bonito como a moitos nos gustaría (sobre todo polo adosado que ten o pazo detrás), mellor así que en ruinas.

Capela do Pazo dos Calotes

Capela do Pazo dos Calotes

Capela do Pazo dos Calotes

Pazo dos Calotes

Pazo dos Calotes

Pazo dos Calotes

Etiquetas: , , ,

É tempo de podar

11 Feb

Estes días as viñas pasan polo barbeiro e pola afeitadora. Hai que preparalas para a vindeira colleita de viño. Velaquí vos deixo unha foto do meu pai podando.

Etiquetas: , , , , ,

Cheminea na praia da Torre

23 Xan

Aínda lembro hai anos cando ía á praia da Torre e estaba a fábrica de flotadores de bateas no medio e medio do areal, cos seus bidóns, o seu poliester e os seus coches e camións de arriba para abaixo. Menos mal que a cousa cambiou e agora só queda isto como recordo dalquel tempo.

Etiquetas: , , , ,

Os autores da Rianxeira

21 Xan

Placa da rúa que leva o nome dos autores da Rianxeira

Se por algo se nos coñece en Rianxo, aparte de polos grandes escritores e debuxantes que naceron aquí, é por unha canción coñecida en Galicia enteira: a Rianxeira. Como se pode ler na Galipedia, non foi escrita en Galicia, senón na Arxentina por dous rianxeiros emigrados.

Na Galipedia podemos ler que “foi composta nun principio en Bos Aires en 1947 a proposta de Anxo Romero Loxo, quen compuxo a musica, nunha reunión no Centro Rianxo na que se atopaba a directiva e mais Xesús Freiro Dourado “Pinciñas”, compositor da letra. Foi estreada un ano despois polo Coro Castelao na cidade de Bos Aires, a pesar de que a súa estrea oficial data do ano 1950, co gallo da recepción de Castelao no porto de Bos Aires”.

Etiquetas: , , , , ,

A casa de Rafael Dieste

19 Xan

Se alguén se pasea pola rúa de Abaixo de Rianxo poderase atopar coa casa de Rafael Dieste, que ten as seguintes placas na súa fachada.

Etiquetas: , , ,

Casa abandonada

7 Dec


Casa abandonada, originalmente cargada por fotosderianxo.

Esta impresionante casona de pedra está en Asados. A verdade é que sorprende ver como a pesar do abandono e do descoido se mantén en pé dun xeito tan impoñente.

A ermida de San Pedro de Vilas

5 Dec


A ermida de San Pedro de Vilas, originalmente cargada por fotosderianxo.

O acceso non é precisamente fácil e é doado pasar por alí sen saber que hai preto unha ermida. Está nun sitio illado no medio do monte e só recupera a vida cando en Asados se celebra a festa de San Pedro, non lembro exactamente que domingo do verán. Polo demais, debe ser unha das capelas máis antigas do concello, xa que diante ten unha inscrición que data do ano 1671.

O campo de fútbol de Vilas

29 Nov

Dende a autovía pode verse como xa está practicamente rematado o campo de fútbol de Vilas, en Asados. Será a primeira vez que teñamos en Rianxo un campo de fútbol con herba, aínda que será sintética. De todos os xeitos, visto o resto de campos de fútbol que hai no concello e o mantemento que se lles dá, case que é a mellor solución. Só fai falla ver o do Araño, no que herba si hai, pero de medio metro e criada polo total abandono. Esperemos que esta infraestrutura sexa aproveitada por todos os veciños e que se coide.

Etiquetas: , , ,

← Older Entries
Newer Entries →