Continúa a troula este verán coas festas de Asados. Durante este venres, sábado e domingo a comisión de festas da parroquia dáo todo para que os veciños o pasen o mellor posible, con moita música e actividades.
Archive by Author
Valoración de Adolfo Muíños do comezo do seu segundo mandato
9 Ago
Aínda que vai alá xa o ano dende o comezo da nova lexislatura, quixemos repasar co alcalde, Adolfo Muíños, como están a ser estes primeiros meses de traballo. Falamos dos orzamentos, nos que vai notar a mellor situación económica do Concello, do PXOM (que espera aprobar nun pleno no 2017), da entrada en Serra do Barbanza e das actuacións previstas nos próximos meses. Ademais, de novo, insiste en que deixará o seu cargo rematados os oito anos á fronte da alcaldía de Rianxo, para lanzar a mensaxe de que ninguén é imprescindible.
Festas do Araño 2016
8 Ago
O domingo 7 de agosto tivo lugar a romaría da Virxe dos Milagres do Araño. Este ano non houbo festa como tal, pero si as tradicionais misas, na capela que está preto da igrexa. Durante toda mañá a calor foi a gran protagonista, pero iso non impediu que moitos devotos se achegasen ao lugar dende a primeira hora.
Orquestras que van actuar na Guadalupe 2016
6 Ago
A Comisión de Festas da Guadalupe acaba de publicar en primicia o listado das orquestras que van actuar a través do seu Telegram (http://buff.ly/2aIEs5m).
De novo actúan as grandes orquestras locais, Abanico (un clásico o Día das Juadalupeñas) e a Gran Parada (para o día das bengalas).
Pero non vai faltar a orquestra de moda, o Combo Dominicano, nin outras grandes como Aché ou os Satélites.
Mexillóns, jazz, rugby e o universo
3 Ago
Esta fin de semana tamén chega moi movidiña. Un dos pratos fortes será a Festa do Mexillón, que xa vai pola súa sétima edición. O sábado e o domingo, ademais de comer a fartar un dos manxares da nosa ría, teredes música e actividades gratuítas para os máis pequenos (con inchables) e tamén para os maiores (como un bautismo de mar con motos acuáticas).
XIII Bandeira Concello de Rianxo de Traiñeiras
30 Xul
Maña, 31 de xullo, ás 11.30 horas, terá lugar no peirao a XIII Bandeira de Traiñeiras “Concello de Rianxo”. Os locais están de segundos na liga LGT-B 2016, polo que están a nada de ascender e precisan dos ánimos dos veciños para sacar un bo resultado e seguir con aspiracións. Así que mañá non deixes de animar ao Club de Remo de Rianxo.
Zona da Zanfona 2016
29 Xul
Rianxo convértese estes días no epicentro mundial da zanfona grazas ao festival internacional Zona da Zanfona, organizado por aCentral Folque. Van xa 12 edicións deste evento centrado neste particular instrumento chamado zanfona, onde hai cursos, bailes, animación na rúa, encontros con músicos e concertos.
Hoxe, venres 29 xullo, na praza Rafael Dieste actuarán Os Cempés ás 21.30h. Mañá sábado, á mesma hora e no mesmo lugar, actúan
Anxo Pintos e Obal. E o domingo, ás 12 do mediodía, tamén na praza de Rafael Dieste, haberá unha xuntanza de escolas de zanfona de Galicia.
IX Festival Antrospinos en Taragoña
29 Xul
Hoxe comeza un dos grandes festivais de música organizados no Concello. En concreto, o Festival Antrospinos, que xa vai pola súa edición número nove e que se celebra en Taragoña.
A Manuela, vítima dun acto vandálico
21 Xul
Hai xusto tres anos, un 22 de xullo de 2013, uns vándalos queimaban parte da ponte de madeira que vai sobre o río Te ata a praia da Torre. E hoxe, un 21 de xullo, temos que enterarnos de novo de que os vándalos atacan de novo o patrimonio público. Deben pensar que ao ser de todos non é de ninguén ou se pode facer o que se queira. Dende logo non deixa de ser un acto de ignorancia, no que non só se dana o que é público, senón que se dana o que é de todos.
Festas de Taragoña 2016
21 Xul
Unha das festas máis agardadas e con mellor cartel do ano acaba de chegar. Son das festas de Taragoña, que este ano se celebrarán entre o xoves 21 de xullo e o domingo 24 de xullo.
No cartel podemos ver grandes orquestras como Olympus, Abanico ou Super Fama. Ademais doutras como Aramio, La Nuevo Phila, Ritmo Joven, Terranova e D’Moda, ás que se unirán na animación musical as charangas e os grupos de gaitas. O dito, a desfrutar do verán coas Festas de Taragoña 2016.
Fotos de Rianxo 