Así foi o feirón mariñeiro de Rianxo pola mañá. En breve as fotos pola tarde.
Archive by Author
Festas da Guadalupe de Rianxo 2016: o taller de decoración de gorras
15 Set
Unha das grandes cousas que ten a Guadalupe é que conta con actividades todos os días, moitas delas pensadas para os máis pequenos, para que vaian sentindo coma súas as festas. Esta foi unha delas, un taller para personalizar gorras e no que tamén podían pintar.
Festas da Guadalupe de Rianxo 2016: o festival TOSTA
13 Set
Este ano, como novidade nas Festas da Guadalupe, celebrouse o festival TOSTA. Trátase dun evento que coincide coa capitalidade cultural de Donostia e no que se trata de difundir linguas minoritarias en Europa, como as de Frisia, Cornualles, Escocia, Irlanda, Gales e Euskal Herria, os lugares que forman parte do proxecto Tosta.
Fotos das festas da Guadalupe de Rianxo 2016: o día das Juadalupeñas
12 Set
Un anos máis, a xornada das Juadalupeñas foi unha da que nos deu momentos máis divertidos e simpático cos xogos durante a mañá.
Pola tarde, a comida e a festa seguiron no parque da Martela, con moita xente, como podemos ver na foto de Groove Amigos.
Festas da Guadalupe de Rianxo 2016: os fogos artificiais
12 SetAínda que o ceo estivo algo encapotado, por sorte non houbo néboa e puidemos desfrutar dos fogos artificias o domingo á medianoite. O que si, foron moitos os rianxeiros que no medio do espectáculo pirotécnico levaron un bo susto por unha detonación un tanto estraña. Foi un estrondo máis grande do acostumado, que procovou que moitos deran un chimpo e incluso se comentaba que ao final non soaron as tres bombas do final, polo que non se sabía moi ben se estas estouparon antes do tempo, pero no propio peirao, en lugar de no ceo.
Fotos e vídeos das Festas da Guadalupe 2016: a procesión do domingo
11 Set
Hoxe, domingo, foi o día grande das festas, coa misa na honra da Virxe da Guadalupe e a posterior procesión marítima. Esta última estivo en perigo, pola néboa imperante na ría. Finalmente houbo sorte e foi levantando aos poucos, ata quedar un día marabilloso.
Fotos e vídeos da Guadalupe 2016: o chupitaso
10 Set
Xa temos as primeiras fotos desta Guadalupe 2016 en Rianxo. Un ano máis, os máis novos ocuparon a praza de Castelao para dalo todo e celebrar a chegada dunha semana intensa de emocións e chea de parranda, música e bos momentos. Comentar que durante todo o día tiveron lugar actividades do festival TOSTA, pero que non puidemos asistir, polo que non temos fotos.
Do porto de Leiro ata o de Rianxo, en kayak
28 Ago
Grazas aos kayaks de D’Fabula Ocio, puidemos facer unha ruta moi especial polo mar. En concreto, percorremos a costa dende o porto de Leiro ata o de Rianxo ao atardecer. A verdade é que o mar che ofrece unha perspectiva da costa moi diferente e, ao tempo, moi fermosa. Isto foi parte do que vimos.
Derbi de equipos rianxeiros de fútbol
18 Ago
O noso particular Celta-Deportivo ou Real Madrid-Barça terá lugar este domingo 21 de agosto. Terá lugar o XIV Trofeo de Fútbol Concello de Rianxo, un evento a tres bandas cos tres grandes equipos de fúbtol do Concello: o Taragoña, o Araño e o Unión.
O triangular será no Campo Municipal de Vilas, en Asados, a partir das 19.00 horas. O último encontro terá lugar ás 20.30h
XIV Festival de baile e música tradicional Aleivosía
11 Ago
Este domingo 14 de agosto, na praza de Rafael Dieste ás 21.30h, celebrarase o XIV Festival da Escola de baile e música tradicional Aleivosía. Nel participarán un ano máis as diferentes agrupacións escola de baile, pandeireta e gaita. Tocarán, cantarán e bailarán distintas xeracións, veciños de entre 3 e 40 anos de idade que ofertarán unha noite chea de bailes, música e colorido.
Fotos de Rianxo 