Un ano máis, a Asociación de Veciños do Araño organizou unha andaina dende o hórreo máis grande do mundo ata o Pozo Bastón. Con 10 minutos de atraso sobre a hora da saída, as 9 da mañá, uns 65 veciños e visitantes animados pola marcha comezaron a ruta para combater o fresco da mañá. Polo medio do camiño fóronse unindo máis veciños, ata completar en total as 75 persoas. Velaquí algunhas fotos da cita.
Vai de Roda comeza o novo curso. Podes apuntarte a clases de acordeón e gaita, pandeireta e canto, percusión e gaita e tamén baile.
Como podemos ver nos datos de participación, aínda que a porcentaxe foi dous puntos por riba de 2012 (65,17% vs 63,18%), a nivel global global só houbo un voto máis, porque hai catro anos se contaron 6.231 papeletas. O que si, baixou moito o número de votos en branco e de nulos, que daquela sumou o 4,38%.
En canto ao detalle por partidos, o PP practicamente mantense. É certo que perde un punto porcentual, pasando do 41,4% ao 40,47%, pero o reconto total é moi semellante ao de 2012: unicamente perde 22 papeletas e hai preto de 2.500 rianxeiros que confiaron nos populares para gobernar en Galicia.
Eses 22 votos igual foron parar a Ciudadanos, que contou con 121 apoios. Hai catro ano, con UPyD, a representación foi de 73 papeletas.
Por outra banda, ao igual que en Galicia, a formación de En Marea supera lixeiramente ao PSOE. No primeiro caso irrompe con 1.188 papeletas. Se tomamos como referencia a AGE no 2012, daquela tiveran 920 votos, co que a subida é considerable.
O PSOE descende en 137 votos, pasando do 20,5% dos apoios ao 18%.
Por último, e aínda que no resto de Galicia perde apoios, o BNG en Rianxo consegue aumentar os seus votos nas autonómicas. Un punto porcentual máis, do 16,45% ao 17,51% e 79 votos máis, en concreto 1.078 papeletas. Igual se agardaba máis sendo Rianxo un concello gobernado polo BNG, pero é que precisamente en Rianxo sempre se vota PP tanto nas xerais como nas autonómicas, polo que o dato é relativamente bo con respecto a hai catro anos se temos en conta a tendencia dos frentistas. Sorprende, pero hai moitos rianxeiros que a pesar de votar PP en determinados comicios, a nivel local votan BNG.
O último día das festas da Guadalupe comezaba co festival de música Rianxo on Fire, que tivo lugar ao lado da praza da Manuela. Moi preto, centos de pais acompañaban aos máis cativos nas atraccións, mentres miles de persoas tomaban algo nas terrazas ou bailaban na praza de Castelao.
Ducias e ducias de rapaces e non tan rapaces xuntáronse na praza de Castelao para celebrar a festa da escuma. Como curiosidade, dicir que este ano a escuma era diferente. Non tiña tanto volume, polo que non cubría a xente e era máis divertido moverse e xogar. Vamos, que os pais de seguro que o agradeceron.
Un dos días máis agardados polos nenos é o venres da Guadalupe, no que ten lugar Rianxolandia. Alí hai diferentes atraccións nas que os pequenos poden brincar, xogar, rir e pasar a mañá e a tarde cos seus amigos.
Xa temos varios vídeos do que foi a Rianxeira popular nos xardíns da Ribeira, onde os veciños se xuntan para cantar, tocar e bailar.
A Rianxeira. Vídeo de Carlos Ces:
E aquí outra perspectiva, xa gravada por nós:
Rianxo Pájaro Pinto:
A canción dos pitiños:
Bailando A Camposa:
Xa está aquí a segunda parte das fotos do feirón mariñeiro, cun mometo moi emotivo, cando todos os veciños se xuntan para tocar A Rianxeira, o Pájaro Pinto, A Camposa e calquera outra cancións tradicional que se poña por diante.
Fotos de Rianxo 