Ás veces, as augas convértense en olas pétreas da cor da prata que semellan estátuas que queren cobrar vida.
Archive by Author
As tapas dos sumidoiros do paseo marítimo
6 AbrDe seguro que se sodes dos que paseados polo paseo marítimos vos fixáchedes en que o chan agora está cambiado. Máis ben o que cambiou foi o aspecto das feas tapas dos sumidoiros, que agora foron decoradas polos artistas de Leñaverde. Ao meu ver, unha boa iniciativa de Arousa Norte que se repetirá noutros concellos, ademais de en Rianxo.
Velaquí vos colgo algunhas das tapas para que vexades o fermosas que quedaron.
Nubes sobre o monte
6 AbrHoxe cólgovos aquí unha imaxe impresionante do monte do Araño. Ao fondo, sobre o Pico Muralla, vense unhas nubes preciosas que lle dan ao ceo un toque máxico.
As casetas dos pescadores ou o Bingo
27 MarEn Rianxo hai bastante sentido do humor, por iso, ás novas casetas dos pescadores que fixeron os de Portos chámanlle o Bingo. Creo que non fai falta dar explicacións, non si?
Vista da vila de Rianxo
25 MarComo estes días está a facer moi bo tempo, é unha gozada contemplar como a vila de Rianxo se mira no mar.
Concello de Rianxo
Fotos antigas: a matanza do porco
23 MarPolo de agora, neste blog só puxen fotos recentes de Rianxo. Pero como non só quero plasmar o que é o Rianxo actual, senón tamén dar unha visión do que era antes, hoxe déixovos un recordo imborrable, unha foto desas de famila que atopei nunha viaxe a Bos Aires, visitando a familia. Aquí aparecen a miña bisavoa (a que está sentada), a miña tía avoa, os meus tíos (os nenos que están en cada esquina), o meu padriño (o que está no colo de miña bisavoa) e un curmá de meu pai (o segundo pola esquerda). Todos en familia para celebraren un día de festa: a matanza do porco.
A capela de San Bartolomeu
21 MarUnha das edificacións singulares de Rianxo é a capela de San Bartolomeu.
Está situada no porto de Rianxo, ao carón da lonxa e dos edificios onde os mariñeiros gardan os seus apeiros de traballo.
Polo que sei, antes estaba situada nun illote ao que se podía acceder cando baixaba a marea. Pero como en todas as vilas costeiras, fóiselle gañando terreo ao mar e agora é totalmente accesible dende a vila.
A praia de Tanxil
17 MarParece que o bo tempo vai animando á xente á ir á praia. Esta fin de semana a praia de Tanxil, en Rianxo, xa foi collendo vida.
Dous gatos mariñeiros
17 MarVelaquí vos deixo unha foto que saquei na desembocadura do río da Grenla, entre Rianxo e Leiro. O título do post non podía ser máis axeitado 😀
O pazo dos Baltar
16 MarO pazo de Baltar está situado nun dos mellores lugares de Rianxo: fronte ao mar e xusto enriba da praia de Tanxil. De feito, se paseades pola praia, isto é o que veredes.
Como vedes, ten unha frondosa vexetación. O certo é que a día de hoxe é un lugar abandonado, xa que a familia Baltar non vive no lugar, senón que vén de ramos en pascoas.
O certo é que se trata de un casería imponente que leva anos en Rianxo e que pertence a este rica familia que, polo que sei, viven en Santiago. Polo que oín por aí, seica o cabeza de familia era médico e de aí lle viñan os cartos.
Cólgovos tamén unha foto da entrada da casa. Dicirvos que no seu día a xente viña sacar aquí as fotos da súa voda, porque a cousa lucía.
Fotos de Rianxo 