Hoxe é un día grande para Fotos de Rianxo, pois vense de presentar o libro O labor dos creadores do século XXI. Nel Óscar Reboiras e Xoán Antón Castro, ámbolos dous integrantes desta nosa/vosa bitácora nos vemos representados.
Podedes atopar toda a información no web http://www.rianxofala.com/#!labor1/c1bys
Queremos dende aquí agradecer ó C.R.A de Rianxo, ó CEP “Brea Segade” de Taragoña e ó IES “Félix Muriel” de Rianxo por contar connosco para este proxecto que valoramos tanto.
Moitas grazas!!!
O ano pasado, con motivo do traballo para a exposición de Ruando Rianxo, quedamos cos deportistas do Clube de Remo de Rianxo. Xa puidestes ver na mostra unha gran foto deles, pero nesa sesión sacamos moitas outras que hoxe queremos compartir con vós.
Este pasado sábado 24 celebrouse a III Romería Popular no CEIP Ana María Diéguez de Asados. Xa dende as 10 da mañá as actividades para cativos e non tan cativos sucedéronse nas pistas deportivas do colexio.
Durante o mes de maio, a Concellaría de Servizos Sociais realizará unha campaña de recollida de produtos de limpeza e hixiene en colaboración cos centros educativos.
Necesítanse produtos como por exemplo deterxente, suavizante, lava pratos, lixivia, desodorizante, xel, champú, papel hixiénico, pañais, compresas, maquinillas de afeitar, pasta de dentes, xabón, e moitos máis….
Os produtos que se recollan repartiránse entre as familias do concello con menos recursos económicos.
Se queres doar algún produto de hixiene ou limpeza, pódelo deixar nos seguintes puntos de recollida:
– Escolas Unitarias do C.R.A. Rianxo
– Instituto Félix Muriel
– Escola Infantil
– Servizos Sociais
E se queres facer algunha doazón para as familias con menos recursos económicos, podes poñerte en contacto cos Servizos Sociais Comunitarios, que está na estrada de Tanxil, nº 12. Tamén podes contactar con eles no teléfono 981 860 061 ou ben no correo servizos.sociais@concelloderianxo.es
Poucos días despois do acontecemento, subimos raudos e veloces as fotos do martes de entroido que se celebrou o pasado 4 de marzo 😉
O pasado venres, un grupo de veciños de Rianxo quixo cantar o Grândola, Vila Morena, esa coñecida canción de José Afonso que en Portugal é todo un símbolo. Precisamente porque representa a revolución e a chegada da democracia a Portugal, grazas á Revolución dos Caraveis.
Imos acabar hoxe a serie fotográfica da Semana Santa rianxeira 2014, coas fotos do Desencravo celebrado o venres pola tarde na Praza de Rafael Dieste.
Hoxe tócalle o turno ó Santo Encontro do venres pola mañá. Coido foi a procesión que máis xente xuntou de todas as que houbo esta Semana Santa en Rianxo. Aí van unhas fotiños:
Imos hoxe coas fotos da procesión do pasado xoves (Xoves Santo) en Rianxo, na que puidemos ver escenificada a última cea previa ó apresamento de Xesús.
Unha vez pasada a Semana Santa rianxeira, comezamos coas fotos que fomos facendo estes días. O primeiro álbum de foto é do mércores noite, co Vía Crucis, que estivo marcado pola retrasmisión do partido Barça-Madrid, pois moita da xente deixouse quedar nos bares da vila e da que ía na procesión, moita dela ía máis pendente do que pasaba no partido que da procesión en si 🙂
Fotos de Rianxo 