Ben, despois de dúas semaniñas editando e repasando as fotos que fixemos na “Pasarela Castelo da Lúa”, aquí tedes un bo feixe de instantáneas. Imos subilas por tandas.
Moitas grazas á ARE, CCA e ao concello de Rianxo por confiar en Fotos de Rianxo para cubrir a reportaxe fotográfica da pasarela.
Agardamos que vos gusten as fotos e xa sabedes, A BUSCARSE!!!
Bueno, despois de duas semaniñas editando e repasando as fotos que fixemos na “Pasarela Castelo da Lua” aí van, e por tandas as fotos do evento.
Moitas grazas á ARE, CCA e ó concello de Rianxo por confiar en Fotos de Rianxo para cubrir a reportaxe fotográfica da pasarela.
Agardamos que vos gusten as fotos e xa sabedes, A BUSCARSE!!!
Ben, despois de dúas semaniñas editando e repasando as fotos que fixemos na “Pasarela Castelo da Lúa”, aquí tedes un bo feixe de instantáneas. Imos subilas por tandas.
Moitas grazas á ARE, CCA e ao concello de Rianxo por confiar en Fotos de Rianxo para cubrir a reportaxe fotográfica da pasarela.
Agardamos que vos gusten as fotos e xa sabedes, A BUSCARSE!!!
Ccomezamos coa subida de fotos da Pasarela Castelo da Lúa 2013.
Imos primeiro coas fotos do Photocall, patrocinado pola cafetería Toffe e o cal tivemos o gusto de cubrir fotograficamente.
Aí vos quedan as fotos que fixemos!!! Clicade enriba de cada imaxe para velas máis grandes.
Onte dia 24 de agosto celebrouse na praza de Rafael Dieste o XI festival de baile e música tradicional Aleivosía.
A Agrupación de baile e música tradicional Aleivosía pertencente á Asociación Sociocultural Fogo Fatuo de Rianxo e en colaboración coa Área de Educación, Cultura e Normalización Lingüística do Concello de Rianxo, levaron a cabo este evento dentro da programación do Verán Cultural 2013.
Polo palco habilitado para a ocasión pasaron un total de 7 agrupacións que conforman Aleivosía e que contan con integrantes dende os 3 até os 50 anos de idade que deleitaron ó numeroso público asistente na praza a unha noite chea da mellor esencia da cultura tradicional con bailes, pandereteiras, gaiteiros, e un sorteo de diferentes agasallos que foron entregando ós/ás gañadores/as.
Aquí vos deixamos unhas fotiños do que foi dando de si o festival.
Acabamos de enterarnos dun acto de vandalismo na ponte do Te, a que atravesa o paseo marítimo para unir as dúas beiras do río entre Rianxo e Taragoña.
Cremos que é impresionante a desfachatez, incivismo, falta de cultura/educación e respecto que está detrás dos últimos actos vandálicos que está a sufrir o mobiliario urbano do Concello nas últimas datas, (pintadas nas placas dos autores rianxeiros no paseo marítimo, desfeita dos parques infantís, queima tamén da pasarela da praia de Tanxil…).
A ver cando nos decatamos de que o mobiliario urbano é de todos/as e o seu deterioro ou mal uso repercute no noso peto!!!
Nesta última desfeita, uns/as irresponsables cebáronse coa ponte do paseo marítimo, queimando parte dela, previsiblemente “usando algún tipo de acelerante -gasolina, por exemplo-“, en palabras do arquitecto Carlos Henrique Fernández Coto, aínda que isto terao que determinar a policía xudicial. Tamén resalta o arquitecto que posiblemente a obra lle poida custar ao erario público a escandalosa cantidade de 70.000 euros, que teremos que desembolsar a base de impostos.
Deixamos unhas fotos sacadas do facebook de Carlos H. Fernández e do propio alcalde Adolfo Muíños:
O custo de 70.000 euros é unha estimación que fai o propio Fernández Coto do que suporía repoñer dúas vigas curvas, dúas pequenas da base, a varanda e as táboas de pisar. Hai que ter en conta que son madeiras especiais con curvaturas especiais. Pero o máis complexo é o transporte dende A Coruña, porque ademais non hai paso polo Pazo, polo que habería que levar o material polo mar. A isto hai que sumarlle a montaxe, o guindastre…
Por outra banda, tamén hai que ter en conta que alí está a policía local custodiando a ponte por quendas e que a policía científica da Coruña tivo que vir mirar e retirar mostras, o que tamén implica gastar recursos públicos.
Vamos, que se trata dunha previsión, non orzamentada, pero que cos coñecementos que ten Fernández Coto seguramente sexan bastante atinadas. Como el mesmo sinala, “a reparación custará o mesmo que o mantemento de todo o ano da piscina climatizada municipal. Ou, se o preferides, custará o mesmo que a ampliación do Centro Social de Asados, ou case como a compra do antigo Liceo para os nosos Maiores e para a Mocidade”.
Agardemos que as pesquisas da policía, e de ser o caso dalgún/ha testigo destes últimos feitos dean lugar a atopar culpables desta auténtica barbarie do patrimonio de todos/as nos, e, que a administración competente teña a ben arranxar canto antes este acto que desfai pola metade o paseo diario de moitos e moitas rianxeiros e foráneos que se achegan ó noso concello.
Este é un blog sobre Rianxo e sobre as súas xentes. Así que nos gusta ver cales son os problemas dos veciños e estar ao seu carón. Dese xeito, o día 24 de xuño, coincidindo coa festividade de San Xoán e da festa de fin de curso na escola unitaria da Vacariza, aproveitamos para achegarnos ata Isorna e ver como están os ánimos despois de que se anunciara o peche desta escola.
Atopamos a numerosas persoas entre nais e pais, avós e avoas, e un bo feixe de nenas e nenos que se ofreceron gustosamente a poñerse diante da cámara e dicir unhas palabriñas do que pensan do peche da súa escola.
Dende o 18 de xuño xa está aberto o prazo para as actividades de verán do concello de Rianxo.
Así que os pais e as nais do concello, polo menos xa teremos onde ter entretidos os cativos no periodo estival.
Este ano, tráennos diversos trocos que non tiñamos outros anos:
O fío condutor será unha VIAXE ARREDOR DO MUNDO, con inicio e remate en Rianxo, e que pasará por tódolos continentes.
Aquí o resumo de toda a programación dispoñible: www.concelloderianxo.es/avoltaaomundo
Tamén, e para os que lles guste a música, a Banda Escola de Música de Rianxo, vai dar durante os meses de xullo e agosto uns obradoiros musicais polas parroquias de Rianxo, Taragoña e o Araño , orientados a rapaces e rapazas de entre 3 e 7 anos.
Hoxe parécenos interesante deixar unha serie de blogs e enlaces na internet dos colexios e centros nos que están matriculados os nosos fillos.
A verdade é que moitas veces non nos paramos a apreciar o traballo que tanto educadores e rapaces fan e colgan nos seus blogs públicos, xa sexan da escola, da biblioteca ou dos departamentos específicos de cada centro educativo.
Aquí vos deixamos uns cantos que fomos atopando pola rede.
– O do Brea Segade en Taragoña:
http://ticsbreasegade.wix.com/cepbreasegade
http://www.edu.xunta.es/centros/cepbreasegade/
– O da biblioteca do colexio Castelao de Rianxo:
http://bibliotecacastelao.blogspot.com.es/
http://centros.edu.xunta.es/ceiprodriguezcastelao/
– O do instituto Félix Muriel en Rianxo:
http://www.edu.xunta.es/centros/iesfelixmuriel/
– O do Equipo de Dinamización da Lingua Galega do Félix Muriel:
– O do colexio de Asados:
http://www.ceipanamariadieguez.blogspot.com.es/
http://www.edu.xunta.es/centros/ceipanamariadieguez/
– O do CRA de Rianxo:
http://www.edu.xunta.es/centros/crarianxo/
Tamén vos deixamos o enlace á Biblioteca Municipal de Rianxo, que aínda que este blog non está feito polos rapaces do concello, ben seguro que vos gusta botarlle un ollo ó traballo que fai Sofía neste rinconciño tan acolledor da vila, aquí o seu blog:
http://bibliorianxo.wordpress.com/
Por último, pedirvos que se sabedes dalgún blog máis que sexa interesante no concello, e claro está feito polos nosos cativos (que ben seguro que os haberá), nolo fagades saber cun comentario neste mesmo post, ou ben na dirección de mail que temos habilitada para este blog que é fotosderianxo@gmail.com
O pasado sábado no colexio Ana María Diéguez de Asados tivo lugar a II Romaría Popular.
Durante todo o día sucedéronse actividades tales como teatro, xogos populares, exposicións (instrumentos musicais, exposición de fotos, exposición de Che Tembra, pintores ó vivo, cadros, etc). Tamén puidemos atopar diferentes postos de venda de comidas, agasallo, cestería, obradoiros de prata e madeira, entre outros.
Logo do xantar popular, onde non faltou o polbo e o churrasco, foi o momento dos máis pequechos con multitude de xogos populares tradicionais ó seu dispor, e onde o pasaron de medo e sen ter que recurrir ás videoconsolas nin ós xogos electrónicos.
Nós só puidemos estar pola tarde e foi unha mágoa, pois o ambiente estivo do máis animado.
Deixamos aquí unhas fotiños do que foi dando a tarde e agardemos que para o ano poidamos desfrutar de novo desta romaría.
Fotos de Rianxo 